9వ డివిజన్ సిపిఐ పార్టీ అభ్యర్థి చిన్నం పెంచలయ్య ఎన్నికల ప్రచారం

తిరుపతి రెవెన్యూ మేజర్ న్యూస్ 9వ డివిజన్ అభివృద్ధికి కంకి కొడవలి గుర్తుకు ఓటేయండి: సీపీఐ అభ్యర్థి చిన్నం పెంచలయ్య

తిరుపతి మున్సిపల్ కార్పొరేషన్ ఎన్నికల్లో 9వ డివిజన్ కార్పొరేటర్‌గా పోటీ చేస్తున్న సీపీఐ అభ్యర్థి చిన్నం పెంచలయ్యను కంకి కొడవలి గుర్తుపై ఓటు వేసి గెలిపించాలని కోరుతూ లెనిన్ నగర్, పార్వతీపురం ప్రాంతాల్లో సీపీఐ నాయకులు, కార్యకర్తలు విస్తృతంగా ఎన్నికల ప్రచారం నిర్వహించారు.

ఈ సందర్భంగా ఇంటింటికీ వెళ్లి ప్రజలను కలుసుకుని, స్థానికంగా నెలకొన్న సమస్యలను అడిగి తెలుసుకున్నారు. ప్రజలు ఎదుర్కొంటున్న సమస్యల పరిష్కారానికి కృషి చేస్తామని, డివిజన్ అభివృద్ధికి నిరంతరం అందుబాటులో ఉంటామని హామీ ఇచ్చారు.

ప్రజల సమస్యలను పరిష్కరించడం, మౌలిక సదుపాయాలను మెరుగుపరచడం, ప్రజలకు అందుబాటులో ఉండి సేవలందించడం తమ ప్రధాన లక్ష్యమని నాయకులు తెలిపారు.

ప్రజా సమస్యల పరిష్కారం కోసం నిరంతరం పోరాడే కమ్యూనిస్టు అభ్యర్థి చిన్నం పెంచలయ్యను కంకి కొడవలి గుర్తుపై ఓటు వేసి గెలిపించాలని లెనిన్ నగర్, పార్వతీపురం ప్రాంతాల ప్రజలను సీపీఐ నాయకులు, కార్యకర్తలు కోరారు.

కె రాజేష్ రిపోర్టర్ తిరుపతి