50వ డివిజన్‌లో కోటంరెడ్డి గిరిధర్ రెడ్డి ఆత్మీయ సమావేశం
నెల్లూరు, మేజర్ న్యూస్ : నగరంలోని 50వ డివిజన్ అంబేద్కర్ నగర్‌లో నెల్లూరు రూరల్ తెలుగుయువత అధ్యక్షుడు నందిపాటి శ్యామ్ ఆధ్వర్యంలో నిర్వహించిన ఆత్మీయ సమావేశంలో తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పాల్గొన్నారు. ఈ సందర్భంగా స్థానిక ప్రజలతో మాట్లాడి రాబోయే ఎన్నికల్లో కూటమి అభ్యర్థులకు మద్దతు ఇవ్వాలని కోరారు. నెల్లూరు నగర అభివృద్ధి, ప్రజా సంక్షేమమే ధ్యేయంగా కూటమి ప్రభుత్వం పనిచేస్తోందని కోటంరెడ్డి గిరిధర్ రెడ్డి తెలిపారు. నగర అభివృద్ధి, ప్రజల సంక్షేమ కార్యక్రమాల కొనసాగింపునకు కూటమి అభ్యర్థులకు ప్రజలు తమ మద్దతు అందించాలని విజ్ఞప్తి చేశారు. రాబోయే ఎన్నికల్లో నెల్లూరు నగర మేయర్ అభ్యర్థిగా పోటీ చేస్తున్న పోలుబోయిన రూప్ కుమార్ యాదవ్‌తో పాటు, 50వ డివిజన్ కూటమి కార్పొరేటర్ అభ్యర్థి నందిపాటి శైలజను సైకిల్ గుర్తుపై ఓటు వేసి అత్యధిక మెజార్టీతో గెలిపించాలని ఆయన కోరారు. ఈ కార్యక్రమంలో కూటమి నాయకులు, కార్యకర్తలు, స్థానిక ప్రజలు తదితరులు పాల్గొన్నారు.
