32వ డివిజన్‌లో విస్తృతంగా పారిశుద్ధ్య పనులు..పనులను పర్యవేక్షించిన కార్పొరేటర్ కౌసర్, జనసేన నాయకుడు ఇమామ్ హుస్సేన్

 అనంతపురం ప్రతినిధి మేజర్ న్యూస్:-
అనంతపురం నగరంలోని 32వ డివిజన్‌లో పారిశుద్ధ్య నిర్వహణకు ప్రత్యేక చర్యలు చేపట్టారు. డివిజన్ పరిధిలోని పలు ప్రాంతాల్లో విస్తృతంగా శుభ్రత పనులు నిర్వహించారు. వీధులు, కాలువలు, పరిసర ప్రాంతాల్లో పేరుకుపోయిన చెత్తను తొలగిస్తూ పారిశుద్ధ్య పనులు చేపట్టారు. ఈ పనులను 32వ డివిజన్ కార్పొరేటర్ కౌసర్, జనసేన నాయకుడు ఇమామ్ హుస్సేన్ స్వయంగా పర్యవేక్షించారు.
ప్రజలకు ఎలాంటి అసౌకర్యాలు కలగకుండా పారిశుద్ధ్య పనులు నిరంతరం కొనసాగించాలని సిబ్బందికి సూచించారు. పరిసరాలను పరిశుభ్రంగా ఉంచుకోవడంలో ప్రజలు కూడా సహకరించాలని వారు కోరారు. ప్రజారోగ్య పరిరక్షణే లక్ష్యంగా డివిజన్‌లో పారిశుద్ధ్య కార్యక్రమాలను మరింత సమర్థవంతంగా నిర్వహిస్తామని తెలిపారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..