సిద్దిపేట డిపో మేనేజర్‌పై చర్యలు తీసుకోవాలి - టీఎంయూ రాష్ట్ర నాయకుల డిమాండ్

సూర్య కరీంనగర్ : జేఏసీ నాయకులను నేలపై కూర్చోబెట్టి మాట్లాడిన సిద్దిపేట డిపో మేనేజర్ శ్రీనివాసరావు వ్యవహారశైలిపై విచారణ జరిపి చర్యలు తీసుకోవాలని టీఎంయూ రాష్ట్ర నాయకులు డిమాండ్ చేశారు. శనివారం కరీంనగర్‌లో మీడియాతో మాట్లాడుతూ రాష్ట్ర జాయింట్ సెక్రటరీ మడప ప్రభాకర్ రెడ్డి, చీఫ్ వైస్ ప్రెసిడెంట్ కేతిరి శంకర్ రెడ్డి, రీజియన్ కార్యదర్శి ఏవీఆర్ రెడ్డి ఈ ఘటనపై ఆగ్రహం వ్యక్తం చేశారు. కార్మికుల సమస్యలను పరిష్కరించాల్సిన అధికారులు సంఘాల నాయకుల పట్ల గౌరవంగా వ్యవహరించాలని, డిపోలో నెలకొన్న సమస్యలను పరిష్కరించాలని కోరారు. సమావేశంలో రమేష్, హనుమాండ్ల కనకయ్య, జిల్లెళ్ల మనోహర్, ఎం.ఆర్. రెడ్డి పాల్గొన్నారు.