26, 27వ వార్డుల్లో టీడీపీ అభ్యర్థుల ప్రచారం జోరు చైర్‌పర్సన్ అభ్యర్థి రాజ్యలక్ష్మి కృష్ణమూర్తితో కలిసి ఇంటింటి ప్రచారం

పలమనేరు మేజర్ న్యూస్ పలమనేరు మున్సిపాలిటీ పరిధిలోని 26, 27వ వార్డుల్లో టీడీపీ అభ్యర్థులు ఎన్నికల ప్రచారాన్ని విస్తృతంగా నిర్వహించారు. చైర్‌పర్సన్ అభ్యర్థి రాజ్యలక్ష్మి కృష్ణమూర్తితో కలిసి 26వ వార్డు అభ్యర్థి జె. శ్రీనివాసులు, 27వ వార్డు అభ్యర్థి వి. గిరిబాబు వార్డుల్లో ఇంటింటికీ వెళ్లి ఓటర్లను కలుసుకున్నారు.ఈ సందర్భంగా కూటమి అభ్యర్థులకు మద్దతు ఇవ్వాలని కోరుతూ ప్రచారం నిర్వహించారు. 26వ వార్డులో జె. శ్రీనివాసులుకు ఒక ఓటు, 27వ వార్డులో వి. గిరిబాబుకు ఒక ఓటుతో పాటు చైర్‌పర్సన్ అభ్యర్థి రాజ్యలక్ష్మి కృష్ణమూర్తికి మరో ఓటు వేసి సైకిల్ గుర్తుపై ఓటు వేయాలని అభ్యర్థించారు. ముగ్గురు అభ్యర్థులకు మద్దతు తెలిపి అత్యధిక మెజారిటీతో గెలిపించాలని ఓటర్లను కోరారు.

 రిపోర్టర్ అనిల్ కుమార్ యాదవ్