విద్యుత్ ట్రాన్స్ఫార్మర్ ను తొలగించండి

 జిన్నారం :విద్యుత్ ట్రాన్స్ఫార్మర్ తో ప్రమాదం పొంచి ఉందని బొల్లారం డివిజన్ పరిధిలోని శ్రీరాంనగర్ కాలనీవాసులు ఆందోళన వ్యక్తం చేస్తున్నారు. కాలనీలో ఏర్పాటుచేసిన విద్యుత్ ట్రాన్స్ఫార్మర్ ప్రమాదాలకు సంకేతంగా మారకముందే మరోచోటికి తరలించాలని  స్థానికులకు కోరుతున్నారు. ట్రాన్స్ఫార్మర్ రోడ్డుకు కేవలం రెండు ఫీట్ల ఎత్తులో ఉండడంతో చిన్నపిల్లలు, పశువులతో పాటు నిత్యం రాకపోకలు సాగించే కాలనీవాసులకు ప్రమాదం పొంచి ఉందని స్థానికులు భయాందోళన వ్యక్తం చేస్తున్నారు. విద్యుత్ అధికారులు ప్రమాదాన్ని ముందస్తుగా గమనించి వెంటనే కాలనీలో నుంచి విద్యుత్ ట్రాన్స్ఫార్మర్ తొలగించి సమస్యను పరిష్కరించాలని కాలనీవాసులు విజ్ఞప్తి చేశారు.