మేయర్ శ్రావణికి బుద్ధ నాగ జగదీష్ అభినందనలు.

అనకాపల్లి, నవంబర్ 12, మేజర్ న్యూస్: జీవీఎంసీ మేయర్‌గా ఎన్నికైన ముక్కా శ్రావణిని మాజీ ఎమ్మెల్సీ, టీడీపీ రాష్ట్ర కార్యనిర్వాహక కార్యదర్శి బుద్ధ నాగ జగదీశ్వరరావు మర్యాదపూర్వకంగా కలిసి అభినందనలు తెలిపారు. గురువారం విశాఖలోని ఆమె స్వగృహంలో కలిసిన సందర్భంగా నాగ జగదీష్ మాట్లాడుతూ సీఎం చంద్రబాబు, మంత్రి నారా లోకేష్ విశాఖకు ఇస్తున్న ప్రాధాన్యతను గుర్తించి పనిచేయాలన్నారు. కూటమి ప్రభుత్వంపై నమ్మకంతో 98 మంది కార్పొరేటర్లను గెలిపించిన ఓటర్ల నమ్మకాన్ని నిలబెట్టాలని, ఎమ్మెల్యేలు, ఎంపీలు, ఎమ్మెల్సీలను కలుపుకొని సమిష్టి నిర్ణయాలతో అభివృద్ధి కార్యక్రమాల్లో ముందుకు వెళ్లాలని సూచించారు.