andhrapradesh
సరదా ఈత విగతజీవులుగా మారిన విద్యార్థులు!
ఎస్.రాయవరం విద్యార్థి మృతితో విషాద ఛాయాలు
ఎస్.రాయవరం, నవంబర్ 12, మేజర్ న్యూస్:
ఎస్.రాయవరం కు చెందిన విద్యార్థి మృతితో స్వగ్రామంలో విషాదం నెలకొంది. విశాఖ - పెందుర్తి మండలం పినగాడి గ్రామంలోని వితం కాలేజీలో పాలిటెక్నిక్ రెండవ సంవత్సరం చదువుతున్న ఇద్దరు విద్యార్థులు ఉదయం సెమిస్టర్ పరీక్షలు రాసి, సాయంత్రం 4 గంటల సమయంలో సరదాగా ఈతకు వెళ్లి ప్రమాదవశాత్తు మృతి చెందారు. మృతుల్లో ఎస్. రాయవరం కు చెందిన ఐజాక్, మాకవరపాలెం మండలం పోతులూరు కు చెందిన పొతల సంతోష్ గా గుర్తించారు. సమాచారం అందుకున్న పోలీసులు ఘటనా స్థలానికి చేరుకుని, మృతదేహాలను స్వాధీనం చేసుకుని దర్యాప్తు చేపట్టారు. పరీక్షలు రాసి భవిష్యత్తుపై ఆశలతో ఉన్న విద్యార్థులు ఇలా అకాల మరణం పాలవడం స్థానికంగా తీవ్ర విషాదాన్ని నింపింది.
