వనవాసి కళ్యాణ్ పరిషత్ ఆధ్వర్యంలో ఉచిత కంటి పొర ప్రత్యేక వైద్య శిబిరం

సూర్య ఆదిలాబాద్ ప్రతినిధి:ఇంద్రవెల్లి మండల కేంద్రంలోని నాగోబా విద్యార్థి నిలయంలో శంకర నేత్రాలయ హైదరాబాద్, వనవాసీ కళ్యాణ్ పరిషత్ (తెలంగాణ) ఆధ్వర్యంలో ఏర్పాటు చేసిన ఉచిత కంటి పొర చికిత్సల ప్రత్యేక వైద్య శిబిరాన్ని ఐటీడీఏ పీవో మంద మకరందు, సబ్ కలెక్టర్ ప్రణయ్ కుమార్ తో కలిసి జిల్లా కలెక్టర్ రాజర్షిషా సందర్శించారు.
ఈ సందర్భంగా వైద్యులు, రోగులతో మాట్లాడి చికిత్స వివరాలను కలెక్టర్, పిఓ అడిగి తెలుసుకున్నారు. ఈ కార్యక్రమంలో వనవాసీ కళ్యాణ్ పరిషత్ కార్యకర్తలు సిడామ్ భీమ్రావు, హెచ్.కె. నాగు, ప్రకాష్, అజయ్, శంకర నేత్రాలయ కోఆర్డినేటర్ రాజు, వైద్యులు, స్థానిక సర్పంచ్‌లు, ప్రజాప్రతినిధులు, వైద్య సిబ్బంది, వాలంటీర్లు, తదితరులు పాల్గొన్నారు-