ఉధృతంగా ప్రవహిస్తున్న గోముఖీ, సువర్ణముఖి నదులు

మక్కువ, సూర్య : తుఫాను ప్రభావంతో గడచిన రెండు రోజులుగా కురిసిన అతి భారీ వర్షాల కారణంగా మండలంలో సువర్ణముఖీ, గోముఖీ నిధులతో పాటు వాగులు వంకలు పొంగిపొర్లుతున్నాయి. వెంగళరాయ సాగర్ ప్రాజెక్టు కి అధిక మొత్తంలో వరదనీరు చేరుతుండడంతో ప్రాజెక్ట్ భద్రత ను దృష్టిలో ఉంచుకొని అధికారులు వరద నీరును నదీ ప్రవాహములోకి విడిచి పెడుతున్నారు. ఈ కారణంగా మక్కువ వద్ద సువర్ణముఖి నది వంతెనను తాకుతూ పొంగి ప్రవహిస్తుంది. అలాగే గోముఖీ నది శంబర వద్ద వంతెనను తాకుతూ ప్రవహించగా, కవిరిపల్లి వద్ద కాజ్ వే పైనుంచి ఉదృతంగా ప్రవహించడంతో మక్కువ తాహాశీల్దార్ భాను ప్రసాద్ తన సిబ్బందితో ముందస్తు ప్రమాద నివారణ చర్యలు చేపట్టారు. మక్కువ నుండి నది వైపు వెళ్లకుండా సన్యాసి రాజపురం వద్ద రోడ్డుకు అడ్డంగా ట్రాక్టర్లు నిలిపి రాకపోకలు నిలిపివేశారు. అలాగే అటువైపు భారీ కేండ్లు వేసి నదిలోకి ఎవరు దిగకుండా చర్యలు చేపట్టారు.