బీసీ కుల సంఘాలు, కులవృత్తిదారుల ఆత్మీయ సదస్సు

సీతమ్మధార,  సూర్య : ఆంధ్రప్రదేశ్ బహుజన బీసీ సంక్షేమ సంఘం ఆధ్వర్యంలో బీసీ కుల సంఘాలు, కులవృత్తిదారుల ఆత్మీయ సదస్సుకు సంబంధించిన ప్రెస్‌మీట్‌ను గురువారం పబ్లిక్ లైబ్రరీలో నిర్వహించారు. ఈ సందర్భంగా నవంబర్ 1న విశాఖపట్నంలో జరగనున్న జీవీఎంసీ ఎన్నికల్లో వైఎస్సార్ కాంగ్రెస్ పార్టీ కార్పొరేటర్ అభ్యర్థులతో పాటు మేయర్ అభ్యర్థిని  వరుదు కళ్యాణికి మద్దతు ఇవ్వాలని బీసీ సంఘాల ప్రతినిధులు పిలుపునిచ్చారు.దివంగత ముఖ్యమంత్రి వైఎస్ రాజశేఖర్ రెడ్డి, మాజీ ముఖ్యమంత్రి వైఎస్ జగన్‌మోహన్ రెడ్డి గతంలో బీసీల అభివృద్ధి, సంక్షేమం కోసం చేపట్టిన కార్యక్రమాలను గుర్తు చేసుకుంటూ, బీసీ కుల సంఘాలు, కులవృత్తిదారులు తమ మద్దతును వైసీపీ అభ్యర్థులకు తెలియజేయాలని వారు కోరారు. బీసీల సంక్షేమం, అభివృద్ధి కోసం గతంలో అమలు చేసిన పథకాలను పరిగణనలోకి తీసుకుని, రానున్న ఎన్నికల్లో వైసీపీ అభ్యర్థులకు ఓటు వేసి గెలిపించాలని విజ్ఞప్తి చేశారు. ఆంధ్రప్రదేశ్ బహుజన బీసీ సంక్షేమ సంఘం అధ్యక్షుడు పిన్నింటి ఆదిమూర్తి యాదవ్, వెంపటాపు నూకరాజు, కోడూరి సత్యనారాయణ,  పిల్లా సుజాత,   తదితరులు పాల్గొన్నారు.