సందడిగా సదర్ సమ్మేళనం

పెద్దశంకరంపేట ; మండల పరిధిలోని రామోజిపల్లిలో యాదవ సోదరుల అధ్వర్యంలో సదర్ పండుగ వేడుకలను మంగళవారం రాత్రి ఘనంగా నిర్వహించారు. ఈ సందర్భంగా దున్నపోతుల విన్యాసాలతో పాటు సాంప్రదాయ ఆటపాటలు, యువకుల నృత్యాలతో గ్రామంలో సందడి నెలకొంది. యాదవుల ఆరాధ్యదైవమైన పశువులకు ప్రత్యేక పూజలు నిర్వహించారు. దున్నపోతులకు ప్రత్యేక అలంకరణ చేపట్టి గజ్జలు కట్టి ఊరేగించారు. దున్నపోతుల విన్యాసాలు అందరిని ఆలరించాయి. ఈ సదర్ వేడుకలను వీక్షించేందుకు వివిధ గ్రామాల నుండి యాదవులు పెద్ద సంఖ్యలో తరలివచ్చారు. కార్యక్రమంలో గ్రామసర్పంచ్ జయశీల, మాజీ ఎంపీపీ బాసాడ రాజు, యాదవసంఘం అధ్యక్షుడు హెచ్.రాజు, ఎల్లయ్య, నాయకులు అశోక్, రాంచందర్, అనంతరావు, ఉపసర్పంచ్ సంగమేశ్వర్, గ్రామపెద్దలు, యువకులు, మహిళలు పాల్గొన్నారు.