శబరిమలకు అనిల్ స్వామి మహా పాదయాత్ర ప్రారంభం

నాగర్ కర్నూల్ జిల్లా కేంద్రానికి చెందిన అనిల్ స్వామి బుధవారం స్థానిక అయ్యప్ప స్వామి ఆలయంలో ప్రత్యేక పూజలు నిర్వహించి శబరిమల మహా పాదయాత్రకు బయలుదేరారు. తొలుత బీచుపల్లికి చేరుకుని అక్కడి నుంచి పాదయాత్ర ప్రారంభించనున్నట్లు ఆయన తెలిపారు.
నియమ నిష్ఠలతో చేపట్టనున్న ఈ మహా పాదయాత్ర డిసెంబర్ 9వ తేదీన శబరిమలకు చేరుకుంటుందని వెల్లడించారు. అయ్యప్ప భక్తులు అధిక సంఖ్యలో పాల్గొని యాత్రను విజయవంతం చేయాలని కోరారు. తాను 15వసారి అయ్యప్ప మాలధారణ స్వీకరించినట్లు తెలిపారు.
ఈ కార్యక్రమంలో అయ్యప్ప స్వామి ఆలయ కమిటీ అధ్యక్షుడు సుందర్ గురుస్వామి, ప్రధాన కార్యదర్శి ప్రవీణ్ గురుస్వామి, శివ గురుస్వామి, అనిల్ గురుస్వామి, ప్రదీప్ గురుస్వామితో పాటు పలువురు గురుస్వాములు, అయ్యప్ప భక్తులు పాల్గొన్నారు.

సందడి రవీందర్ రెడ్డి, నాగర్‌కర్నూల్,రూరల్, సూర్య న్యూస్