బాలల ఆరోగ్య వికాసానికి కృషి చేయాలి

పార్వతీపురం, సూర్య : బాలల సంపూర్ణ ఆరోగ్య వికాసానికి కృషి చేయాలని రాష్ట్రీయ బాల స్వాస్థ్య కార్యక్రమం జిల్లా అధికారి డాక్టర్ టి. జగన్ మోహనరావు సూచించారు. బాలల సత్వర చికిత్సా కేంద్రాన్ని (డిఇఐసి) బుధవారం సందర్శించారు. 4డి లక్షణాలు ఉన్న ఎంత మంది పిల్లలకు ప్రతీ రోజూ వైద్య సేవలు అందిస్తున్నారు, వారి సమస్యలు, ఆరోగ్యం మెరుగు వివరాలపై రికార్డులో తనిఖీ చేశారు. శారీరక, మానసిక వైకల్యాలు, పుట్టుక నుండి సంక్రమించే లోపాలు, వ్యాదులు, ఎదుగుదల జాప్యం మొదలగు సమస్యలకు కేంద్రం ద్వారా అందిస్తున్న థెరపీ, చికిత్స, ఎర్లీ ఇంటర్వెన్సెన్ , ఉపకరణాల తో ఏ మేరకు మెరుగుపడుతున్నది  పరిశీలించారు. ఆర్.బి.ఎస్.కె 2.O స్క్రీనింగ్ అన్ని పాఠశాలలు, అంగన్వాడీ కేంద్రాల్లో వైద్య సిబ్బంది, వైద్యాధికారులు పక్కగా నిర్వహించి 4డి లక్షణాలున్న వార్ని గుర్తించి అవసరమైన వారిని డిఇఐసి కి రిఫర్ చేయాలన్నారు. కేంద్రంలో సేవలతో పాటు, అవసరమైన వారికి అనుబంధ ఆసుపత్రులతో సమన్వయం చేస్తూ ఉచిత శస్త్ర చికిత్సలు కూడా నిర్వహించడం జరుగుతుందన్నారు. పిహెచ్సీ వైద్యులు, సిబ్బందితో డిఇఐసి స్టాఫ్ సమన్వయం చేసుకుంటూ 4డి సమస్యలున్న పిల్లలకు సత్వరమే చికిత్స అందించి వారి జీవన ప్రమాణాల మెరుగుకు కృషి చేయాలన్నారు. అనంతరం ఆర్.కె.ఎస్.కె విభాగoలో రికార్డులు, ఆన్లైన్ నివేదికలు తనిఖీ చేశారు. కిశోర బాలలకు ఎప్పటికపుడు కౌన్సిలింగ్, అవగాహన నిర్వహించాలన్నారు. ఈ కార్యక్రమంలో పిల్లల వైద్య నిపుణుడు డా ఎల్. భరత్ చంద్ర, డెంటల్ వైద్యులు డా కె. సౌజన్య , ఎర్లీ ఇంటర్వెన్సెనిస్ట్ స్రవంతి, ఆర్.కె.ఎస్.కె కౌన్సిలర్ భారతి, స్టాఫ్ అంజమ్మ, మంగ తదితరులు ఉన్నారు.