రైతులకు అండగా ఐకేపీ కొనుగోలు కేంద్రం ప్రగతి ధర్మారం గ్రామంలో కేంద్రాన్ని ప్రారంభించిన సర్పంచ్ శ్రీనివాస్ గౌడ్

రామాయంపేట ; రైతులు ఆరుగాలం కష్టపడి పండించిన ధాన్యానికి గిట్టుబాటు ధర కల్పించడంతో పాటు, దళారుల బెడద లేకుండా నేరుగా ప్రభుత్వ కొనుగోలు కేంద్రాల్లోనే విక్రయించేలా చర్యలు తీసుకుంటున్నట్లు ప్రగతి ధర్మారం సర్పంచ్ శ్రీనివాస్ గౌడ్ తెలిపారు. రామాయంపేట మండలం పరిధిలోని ప్రగతి ధర్మారం గ్రామంలో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఆయన ప్రారంభించారు.పంట చేతికొచ్చిన సమయంలో రైతులకు ఎలాంటి ఇబ్బందులు కలగకుండా ధాన్యం కొనుగోళ్లను వేగవంతం చేయాలని ఆయన సూచించారు. రైతులు తమ ధాన్యాన్ని ప్రభుత్వ నిబంధనలకు అనుగుణంగా కొనుగోలు కేంద్రాల ఏర్పాటు చేశామన్నారు
ఈ సందర్భంగా సర్పంచ్ శ్రీనివాస్ గౌడ్ మాట్లాడుతూ.. రైతుల సంక్షేమాన్ని దృష్టిలో ఉంచుకుని ఐకేపీ ఆధ్వర్యంలో కొనుగోలు కేంద్రాన్ని ఏర్పాటు చేసినట్లు తెలిపారు. రైతులు దళారులను ఆశ్రయించకుండా నేరుగా కొనుగోలు కేంద్రంలోనే ధాన్యాన్ని విక్రయించుకోవాలని సూచించారు. ధాన్యం నాణ్యత ప్రమాణాలు, తేమ శాతం తదితర అంశాలపై రైతులు అవగాహన కలిగి ఉండాలని పేర్కొన్నారు.కొనుగోలు కేంద్రానికి ధాన్యాన్ని తీసుకొచ్చే రైతులకు అవసరమైన సౌకర్యాలు కల్పించేందుకు నిర్వాహకులు చర్యలు తీసుకోవాలని సూచించారు. రైతులకు ఎలాంటి ఇబ్బందులు ఎదురైనా సంబంధిత అధికారుల దృష్టికి తీసుకెళ్లి పరిష్కరించేలా సహకరిస్తామని సర్పంచ్ తెలిపారు. కార్యక్రమంలో ఐకేపీ సిబ్బంది, గ్రామస్థులు, రైతులు తదితరులు పాల్గొన్నారు.