పొగాకు, మద్యపానం వల్ల కలిగే దుష్ప్రభావాలపై అవగాహనా

సూర్య డిచ్ పల్లి :తెలంగాణ విశ్వవిద్యాలయ ఇంజినీరింగ్ కళాశాల జాతీయ సేవా పథకం (ఎన్ఎస్ఎస్) యూనిట్ - I యూనిట్ II ఆధ్వర్యంలో కిల్ ది క్యాన్సర్, క్యాన్సర్‌ను జయిద్దాం అనే అంశంపై వక్తృత్వ పోటీలను ఘనంగా నిర్వహించారు. ఈ కార్యక్రమంలో విద్యార్థులు క్యాన్సర్‌పై అవగాహన, ముందస్తు గుర్తింపు, నివారణ చర్యలు, ఆరోగ్యకరమైన జీవనశైలి, పొగాకు, మద్యపానం వల్ల కలిగే దుష్ప్రభావాలపై ఆసక్తికరంగా ప్రసంగించారు. క్యాన్సర్‌ను భయంతో కాకుండా అవగాహనతో ఎదుర్కోవాలని, సమాజంలో అపోహలను తొలగించాలని విద్యార్థులు పిలుపునిచ్చారు.పోటీల్లో ప్రతిభ కనబరిచిన విజేతలకు బహుమతులు, ప్రశంసాపత్రాలను అందజేశారు.ఈ కార్యక్రమాన్ని ఎన్ఎస్ఎస్ ప్రోగ్రాం అధికారులు డా. ఎం. అథీక్ సుల్తాన్ ఘోరి, డా. ఎం.బి. బ్రహ్మరాంబికల మార్గదర్శకత్వంలో నిర్వహించారు. ఈ కార్యక్రమం లో ఇంజినీరింగ్ కళాశాల విద్యార్థులు, ఎన్ఎస్ఎస్ వాలంటీర్లు పెద్ద సంఖ్యలో పాల్గొన్నారు.