నీటి బకెట్‌లో తల మునిగి మహిళ మృతి

నవాబుపేట సూర్య న్యూస్: నీటి బకెట్‌లో తల మునిగి ఓ మహిళ మృతి చెందిన ఘటన మండలంలోని తీగలపల్లిలో చోటుచేసుకుంది.ఎస్సై నరేందర్ తెలిపిన వివరాల ప్రకారం..గ్రామానికి చెందిన రంగు స్వరూప (46)భర్త రాములు 2024లో మృతి చెందాడు.స్వరూపకు ఇద్దరు కుమారులు ఉండగా,వారు కూలి పనులు చేసుకుంటూ జీవనం సాగిస్తున్నారు.ఈ నెల 25వ తేదీ ఉదయం కుమారుడు ఇంటి నుంచి బయటకు వెళ్లే సమయంలో స్వరూప ఇంటి వద్దే ఉంది.సాయంత్రం కుమారుడు తిరిగి ఇంటికి వచ్చి చూడగా,స్వరూప నీటి బకెట్‌లో తల మునిగి మృతి చెంది కనిపించింది.తల్లి మృతికి గల కారణాలపై విచారణ జరిపి నిజానిజాలు తేల్చాలని కుమారుడు ఫిర్యాదు చేయడంతో కేసు నమోదు చేసుకున్న పోలీసులు దర్యాప్తు చేపట్టినట్లు ఎస్సై నరేందర్ తెలిపారు.