ఘట్‌కేసర్, మేజర్ న్యూస్:వెంకటాపూర్ అనురాగ్‌ విశ్వవిద్యాలయ ఈసీఈ విభాగ పరిశోధక విద్యార్థిని ఎం. ప్రేమలతకు పీహెచ్‌డీ పట్టా లభించింది. సురక్షిత డేటా బదిలీ కోసం ఐఓటీ పరికరాల ప్రామాణీకరణ విధానంపై డాక్టర్ డి. నరేందర్‌ సింగ్‌ పర్యవేక్షణలో ఆమె పరిశోధన పూర్తి చేశారు. అక్టోబర్‌ 12న జరిగిన వైవా వోస్‌ పరీక్షలో కురుక్షేత్ర ఎన్‌ఐటీ అసోసియేట్‌ ప్రొఫెసర్‌ డాక్టర్ పూనమ్‌ జిందాల్‌ బాహ్య పరీక్షకురాలిగా పాల్గొన్నారు. పరీక్షకుల కమిటీ సిఫారసుల మేరకు ప్రేమలతకు డాక్టరేట్‌ ప్రదానం చేశారు.
