చిత్తూరులో కూటమి అభ్యర్థుల అఖండ విజయం ఖాయం! మేయర్ అభ్యర్థి కటారి హేమలత, 53వ డివిజన్ అభ్యర్థి షర్మిలకు భారీ మెజార్టీ తథ్యం టీడీపీ సీనియర్ నాయకుడు పి. షణ్ముగం, యువ కార్పొరేటర్ చందు ధీమా.

చిత్తూరు అర్బన్, మేజర్ న్యూస్: 
చిత్తూరు నగరపాలక ఎన్నికల్లో 53వ డివిజన్ కార్పొరేటర్ అభ్యర్థి షర్మిల, మేయర్ అభ్యర్థి కటారి హేమలతకు అఖండ విజయం ఖాయమని టీడీపీ సీనియర్ నాయకుడు పి.షణ్ముగం, 52వ డివిజన్ యువ కార్పొరేటర్ చందు ధీమా వ్యక్తం చేశారు. సోమవారం 52వ డివిజన్ పరిధిలో ప్రచారం నిర్వహించిన వారు, ఎమ్మెల్యే గురజాల జగన్ మోహన్ఆ ధ్వర్యంలో నగరం అభివృద్ధి బాటలో పయనిస్తోందని, మేయర్ గా హేమలత గెలిస్తే అభివృద్ధి మరింత వేగవంతమవుతుందని చెప్పారు. నగర అభివృద్ధి, ప్రజా సమస్యల పరిష్కారానికి కూటమి అభ్యర్థుల గెలుపు అవసరమని పేర్కొన్నారు. ప్రచారంలో భాగంగా నాయకులు ఇంటింటికీ వెళ్లి ఓటర్లను కలుస్తూ కరపత్రాలు పంపిణీ చేశారు. కూటమి ప్రభుత్వం చేపడుతున్న అభివృద్ధి కార్యక్రమాలను వివరిస్తూ సైకిల్ గుర్తుకు ఓటు వేయాలని కోరారు. ప్రజల నుంచి విశేష స్పందన లభిస్తోందని తెలిపారు.
ఈ ప్రచారంలో మాజీ కార్పొరేటర్లు కంద, కుప్పన్న, గణేష్, దుర్గా టీం సభ్యులు దిలీప్, సుందరేష్, లోకేష్, రేణు, వడివేలు, ఖదీర్, రాజా తదితరులు పాల్గొన్నారు.

చిత్తూరు అర్బన్ రిపోర్టర్ లవ కుమార్