ముదిరాజుల హక్కుల సాధనకు ఐక్యంగా పోరాడాలి
మంచాల, మేజర్ న్యూస్ : ప్రపంచ మత్స్యకారుల దినోత్సవాన్ని పురస్కరించుకుని శనివారం నోముల గ్రామంలో మత్స్యకారుల సహకార సంఘం ఆధ్వర్యంలో వేడుకలు నిర్వహించారు. ఈ సందర్భంగా సంఘం అధ్యక్షుడు చింతకింది చక్రపాణి ముదిరాజ్ జెండాను ఆవిష్కరించారు. అనంతరం ఆయన మాట్లాడుతూ ముదిరాజుల ఐక్యత, జాతి మనుగడ, హక్కుల సాధన కోసం ప్రతి ఒక్కరూ కలిసికట్టుగా పోరాడాలని పిలుపునిచ్చారు. ముదిరాజ్ కులస్తులను బీసీ-డీ నుంచి బీసీ-ఏలోకి మార్చేలా ప్రభుత్వం నిర్ణయం తీసుకోవాలని కోరారు. సామాజికంగా, ఆర్థికంగా వెనుకబడిన ముదిరాజులకు న్యాయం జరిగేలా ప్రభుత్వం చర్యలు చేపట్టాలని విజ్ఞప్తి చేశారు. ఈ కార్యక్రమంలో సంఘం ఉపాధ్యక్షుడు గుండ్ల కృష్ణ, చింతకింది జంగయ్య, గంట హనుమంతు, గంట చిన్నకృష్ణ, వార్డు సభ్యులు చింతకింది స్వాతి దర్శన్, గంట శ్రీకాంత్, గంట మహేందర్, గంట అనిల్, చింతకింది చిన్న నర్సింహ, మావిళ్ల గాలయ్య తదితరులు పాల్గొన్నారు.
✍️ఎర్ర లింగం, మేజర్ న్యూస్ మంచాల, రంగారెడ్డి జిల్లా.