సాగునీరు అందించి పంటలు కాపాడండి. ఆర్ కృష్ణాపురం రైతుల వినతి
28వ బ్లాక్ ద్వారా ఆర్ కృష్ణాపురం గ్రామానికి సాగునీరు అందించండి
ఆళ్లగడ్డ మేజర్ న్యూస్; మండలంలోని ఆర్ కృష్ణాపురం గ్రామానికి తెలుగుగంగ 28వ బ్లాక్ ద్వారా సాగునీరు అందించాలని గ్రామస్తులు తెలుగంగ అధికారులను కోరుతున్నారు. గ్రామంలో 2000 ఎకరాల్లో వేరుశనగ పంటను సాగు చేశారని పంట కోత దశకు వచ్చే సమయంలో సాగునీరు లేకపోవడంతో పంట నష్టం వాటిల్లే ప్రమాదం ఉందన్నారు. ఇప్పటికే గ్రామంలో 100కు పైగా బోర్లు నీరు రావడంలేదని భూగర్భ జలాలు తగ్గిపోయాయన్నారు. ఇప్పటికైనా అధికారులు గండ్లేరు రిజర్వాయర్ ద్వారా సాగునీరు అందించి పంటలను కాపాడాలని ,గ్రామ పెద్దలు గోపిరెడ్డి శివారెడ్డి ,రఘునాథరెడ్డిలు అధికారులను కోరారు. తాను ఐదు ఎకరాల్లో వేరుశెనక్కాయ పంటను సాగు చేశానని గ్రామ రైతు రామలింగం అన్నారు. నీరు అందకపోతే పంట దెబ్బ తినే ప్రమాదం ఉందని ఆవేదన వ్యక్తం చేశారు.
శ్రీనివాస్ ఆళ్లగడ్డ నంద్యాల జిల్లా