BREAKING
చౌటుప్పల్‌లో బీజేపీ మోర్చాల నూతన కమిటీల నియామకం 23 నుంచి ఎస్కే యూనివర్సిటీ అంతర్ కళాశాలల క్రికెట్ టోర్నమెంట్ రూ.10 వేల లంచం తీసుకుంటూ పంచాయతీ కార్యదర్శి ఏసీబీకి పట్టుబాటు వైఎస్ఆర్సిపి నాయకుడిపై హత్యాయత్నం-తీవ్రంగా ఖండించిన మాజీ ఎమ్మెల్యే శిల్పాచక్రపాణి రెడ్డి ఎడ్లబండ్ల నుంచి బుల్లెట్ రైళ్ల వరకు.. దేశ ప్రగతిలో తొలి ఐఐటీది కీలక పాత్ర నకిలీ విత్తనాల విక్రయాలు, అక్రమ రవాణా నియంత్రణకు జిల్లా వ్యాప్తంగా ఆకస్మిక తనిఖీలు ఎస్పీ సిరమ్మ ఆన్ డ్యూటీ మున్సిపల్ ఎన్నికల్లో 94% స్ట్రయిక్ రేట్ సాధించాం.. ఇక తగ్గేదే లే... ఎన్నికల వరకే మీ ఆరోపణలు నూతన వధూవరులను ఆశీర్వదించిన ఎమ్మెల్యే. టీడీపీ, వైసీపీ శ్రేణుల మధ్య ఘర్షణ.. కల్లమల్లలో లాఠీఛార్జ్ తిరుపతి జిల్లా కలెక్టరేట్ ఆఫీసులో చెవిరెడ్డి మోహిత్ రెడ్డి ధర్నా న్యూయార్క్‌లో రోడ్డు ప్రమాదం: నల్గొండ జిల్లా యువకుడి దుర్మరణం అర్హత ఉన్న ప్రతి ఒక్కరికి పింఛన్లు మంజూరు హెచ్‌ఐవీ/ఎయిడ్స్ నియంత్రణలో వికారాబాద్ జిల్లాకు జాతీయ గుర్తింపు

23 నుంచి ఎస్కే యూనివర్సిటీ అంతర్ కళాశాలల క్రికెట్ టోర్నమెంట్

Select Suryaa Now
23 నుంచి ఎస్కే యూనివర్సిటీ అంతర్ కళాశాలల క్రికెట్ టోర్నమెంట్

అనంతపురం బ్యూరో, మేజర్ న్యూస్ : అనంతపురం నగరంలో ఎస్కే యూనివర్సిటీ అంతర్ కళాశాలల క్రికెట్ టోర్నమెంట్ ఈ నెల 23వ తేదీ నుంచి ప్రారంభం కానుంది. నగరంలోని ఎస్‌ఎస్‌బీఎన్ కళాశాల వేదికగా టోర్నమెంట్ ప్రారంభ కార్యక్రమాన్ని నిర్వహించనుండగా, ఈ నెల 28వ తేదీ వరకు క్రికెట్ పోటీలు కొనసాగనున్నాయి. ఈ విషయాన్ని ఎస్కే యూనివర్సిటీ స్పోర్ట్స్ బోర్డు కార్యదర్శి ఎం.వి. శ్రీనివాసన్ వెల్లడించారు.

యూనివర్సిటీ పరిధిలోని వివిధ కళాశాలలకు చెందిన క్రీడాకారులు ఈ అంతర్ కళాశాలల క్రికెట్ టోర్నమెంట్‌లో పాల్గొననున్నారు. విద్యార్థుల్లో క్రీడా నైపుణ్యాన్ని వెలికితీయడంతో పాటు, వారిలో పోటీతత్వం, క్రమశిక్షణ, జట్టుగా పనిచేసే తత్వాన్ని పెంపొందించడమే ఈ పోటీల ప్రధాన ఉద్దేశమని నిర్వాహకులు పేర్కొంటున్నారు. టోర్నమెంట్‌లో భాగంగా క్రికెట్ మ్యాచ్‌లను ఆర్డీటీ కేంద్రంగా నిర్వహించేందుకు ఏర్పాట్లు చేస్తున్నట్లు సమాచారం.

ఈ సందర్భంగా ఎస్‌ఎస్‌బీఎన్ కళాశాల ప్రిన్సిపల్ సరిత, పీడీ ప్రసాద్ మాట్లాడుతూ ప్రతి ఒక్కరి జీవితంలో క్రీడలకు ఎంతో ప్రత్యేకమైన స్థానం ఉందన్నారు. విద్యార్థులు చదువుతో పాటు క్రీడలకు కూడా సమాన ప్రాధాన్యత ఇవ్వాలని సూచించారు. క్రీడలు శారీరక దృఢత్వాన్ని పెంపొందించడమే కాకుండా మానసిక ఉల్లాసం, ఆత్మవిశ్వాసం, క్రమశిక్షణను అలవర్చుతాయని తెలిపారు.

అంతర్ కళాశాలల స్థాయిలో నిర్వహించే ఇలాంటి టోర్నమెంట్లు విద్యార్థుల్లో దాగి ఉన్న ప్రతిభను గుర్తించేందుకు చక్కటి వేదికగా నిలుస్తాయని పేర్కొన్నారు. క్రీడాకారులు క్రీడాస్ఫూర్తితో పోటీల్లో పాల్గొని తమ ప్రతిభను చాటుకోవాలని ఆకాంక్షించారు.

ఈ నెల 23 నుంచి 28 వరకు ఆరు రోజులపాటు జరగనున్న క్రికెట్ టోర్నమెంట్‌కు సంబంధించి నిర్వాహకులు అవసరమైన ఏర్పాట్లు చేపడుతున్నారు. వివిధ కళాశాలల క్రీడాకారుల రాకతో నగరంలో క్రీడా సందడి నెలకొననుంది.
 

రిపోర్టర్ : మొయినుద్దీన్, అనంతపురం బ్యూరో, మేజర్ న్యూస్.