BREAKING
నూతన వధూవరులను ఆశీర్వదించిన ఎమ్మెల్యే. టీడీపీ, వైసీపీ శ్రేణుల మధ్య ఘర్షణ.. కల్లమల్లలో లాఠీఛార్జ్ తిరుపతి జిల్లా కలెక్టరేట్ ఆఫీసులో చెవిరెడ్డి మోహిత్ రెడ్డి ధర్నా న్యూయార్క్‌లో రోడ్డు ప్రమాదం: నల్గొండ జిల్లా యువకుడి దుర్మరణం అర్హత ఉన్న ప్రతి ఒక్కరికి పింఛన్లు మంజూరు హెచ్‌ఐవీ/ఎయిడ్స్ నియంత్రణలో వికారాబాద్ జిల్లాకు జాతీయ గుర్తింపు తొలి టెస్టులో భారత్ జోరు 2022 వ్యయ బిల్లు ఆమోదంపై కోర్టు తీర్పు గాంధీ భవన్‌లో రక్తదానం చేసిన ఫిషరీస్ కాంగ్రెస్ జిల్లా ప్రధాన కార్యదర్శి ప్రశాంత్ వాహన మరమ్మతుల చట్టంపై న్యూజెర్సీపై దావా అమెరికా స్కూల్ డిస్ట్రిక్ట్‌లతో యూట్యూబ్ భారీ పరిష్కారానికి చేరువ? యూనియన్ పసిఫిక్ ఇంజినీర్ల యూనియన్‌కు భారీ పరిహారం గాంధీ భవన్‌లో రక్తదానం చేసిన ప్రశాంత్ మాజీ సీఈవో కత్పాడియా సేవలకు ఇండస్ఇండ్ బ్యాంక్ ముగింపు కలెక్టర్ దృష్టికి తీసుకెళ్లి సమస్యను పరిష్కరిస్తాం _ఓ ఎస్ డి ప్రియదర్శిని

హెచ్‌ఐవీ/ఎయిడ్స్ నియంత్రణలో వికారాబాద్ జిల్లాకు జాతీయ గుర్తింపు

Select Suryaa Now
హెచ్‌ఐవీ/ఎయిడ్స్ నియంత్రణలో వికారాబాద్ జిల్లాకు జాతీయ గుర్తింపు

వికారాబాద్ జిల్లా ప్రతినిధి,మేజర్ న్యూస్: హెచ్‌ఐవీ/ఎయిడ్స్ నియంత్రణలో వికారాబాద్ జిల్లా జాతీయ స్థాయిలో అరుదైన ఘనత సాధించింది. కేంద్ర ఆరోగ్య, కుటుంబ సంక్షేమ మంత్రిత్వ శాఖ ఆధ్వర్యంలో నిర్వహిస్తున్న ‘మొబిలైజేషన్ ఫర్ ఎయిడ్స్ సురక్ష’ కార్యక్రమంలో భాగంగా అంతర్జాతీయంగా నిర్దేశించిన 95-95-95 లక్ష్యాలను విజయవంతంగా సాధించి జిల్లా ‘సురక్షిత్ (Surakshit) స్థితి’ని పొందింది. ఈ ఘనతను గుర్తించిన కేంద్ర ప్రభుత్వం డిసెంబర్ 1న న్యూఢిల్లీలోని డాక్టర్ అంబేడ్కర్ అంతర్జాతీయ కేంద్రంలో నిర్వహించనున్న ప్రపంచ ఎయిడ్స్ దినోత్సవం-2026 వేడుకల్లో వికారాబాద్ జిల్లాను సత్కరించనుంది. ఈ మేరకు కేంద్ర ఆరోగ్య, కుటుంబ సంక్షేమ మంత్రిత్వ శాఖ జాయింట్ సెక్రటరీ రితు శర్మ, జిల్లా కలెక్టర్ దీపక్ తివారికి అధికారిక ఆహ్వానం పంపించారు. కలెక్టర్‌తో పాటు సివిల్ సర్జన్, సీఎంహెచ్‌ఓ, డీఎంహెచ్‌ఓ, జిల్లా ఎయిడ్స్ నియంత్రణ అధికారి బృందాన్ని కూడా ఈ కార్యక్రమానికి ఆహ్వానించారు. హెచ్‌ఐవీతో జీవిస్తున్న వారికి మెరుగైన వైద్య సేవలు అందించడం, వ్యాధి నియంత్రణ, ప్రజల్లో అవగాహన కల్పించడం, ప్రభుత్వ లక్ష్యాల సాధనలో జిల్లా వైద్య ఆరోగ్య శాఖ అధికారులు, ఎయిడ్స్ నియంత్రణ విభాగం, వైద్యులు, సిబ్బంది, క్షేత్రస్థాయి ఆరోగ్య కార్యకర్తలు చేసిన సమిష్టి కృషికి ఈ జాతీయ స్థాయి గుర్తింపు నిదర్శనంగా నిలిచింది. గతంలో హెచ్‌ఐవీ/ఎయిడ్స్ కారణంగా ప్రాణాలు కోల్పోయిన వారికి ఈ విజయాన్ని అంకితం చేస్తూ, భవిష్యత్తులోనూ ఇదే స్ఫూర్తితో వ్యాధి నియంత్రణకు కృషి చేయాలని అధికారులు ఆకాంక్షించారు. జిల్లా కలెక్టర్ దీపక్ తివారి మార్గదర్శకత్వంలో, జిల్లా వైద్య ఆరోగ్య శాఖ అధికారి పర్యవేక్షణలో సాధించిన ఈ విజయం వికారాబాద్ జిల్లాకు గర్వకారణంగా నిలిచింది.