BREAKING
తిరుపతి జిల్లా కలెక్టరేట్ ఆఫీసులో చెవిరెడ్డి మోహిత్ రెడ్డి ధర్నా న్యూయార్క్‌లో రోడ్డు ప్రమాదం: నల్గొండ జిల్లా యువకుడి దుర్మరణం అర్హత ఉన్న ప్రతి ఒక్కరికి పింఛన్లు మంజూరు హెచ్‌ఐవీ/ఎయిడ్స్ నియంత్రణలో వికారాబాద్ జిల్లాకు జాతీయ గుర్తింపు తొలి టెస్టులో భారత్ జోరు 2022 వ్యయ బిల్లు ఆమోదంపై కోర్టు తీర్పు గాంధీ భవన్‌లో రక్తదానం చేసిన ఫిషరీస్ కాంగ్రెస్ జిల్లా ప్రధాన కార్యదర్శి ప్రశాంత్ వాహన మరమ్మతుల చట్టంపై న్యూజెర్సీపై దావా అమెరికా స్కూల్ డిస్ట్రిక్ట్‌లతో యూట్యూబ్ భారీ పరిష్కారానికి చేరువ? యూనియన్ పసిఫిక్ ఇంజినీర్ల యూనియన్‌కు భారీ పరిహారం గాంధీ భవన్‌లో రక్తదానం చేసిన ప్రశాంత్ మాజీ సీఈవో కత్పాడియా సేవలకు ఇండస్ఇండ్ బ్యాంక్ ముగింపు కలెక్టర్ దృష్టికి తీసుకెళ్లి సమస్యను పరిష్కరిస్తాం _ఓ ఎస్ డి ప్రియదర్శిని ఖాతాల తొలగింపు వివాదంపై భారత్‌లోని మెటా కార్యాలయాల వద్ద విపక్షాల నిరసనలు ముత్యాలపేటలో సత్యనారాయణ స్వామి వ్రతం

తొలి టెస్టులో భారత్ జోరు

Select Suryaa Now
తొలి టెస్టులో భారత్ జోరు

సూర్య స్పోర్ట్స్ డెస్క్: న్యూజిలాండ్‌తో బేసిన్ రిజర్వ్ వేదికగా జరుగుతున్న తొలి టెస్టులో భారత జట్టు పట్టు బిగించింది. శనివారం మూడో రోజు ఆట ముగిసే సమయానికి భారత్ 125 ఓవర్లలో 4 వికెట్ల నష్టానికి 486 పరుగులు చేసి, తొలి ఇన్నింగ్స్‌లో 118 పరుగుల కీలక ఆధిక్యాన్ని సాధించింది. కెప్టెన్ శుభ్‌మన్ గిల్ రోజు ఆఖరి ఓవర్‌లో తృటిలో శతకం చేజార్చుకుని 98 పరుగుల వద్ద ఔటవగా, వికెట్ కీపర్ బ్యాటర్ రిషబ్ పంత్ 62 బంతుల్లో 55 పరుగులతో అజేయంగా నిలిచాడు. పంత్‌కు తోడుగా నైట్ వాచ్‌మన్ అన్షుల్ కాంబోజ్ క్రీజులో ఉన్నాడు.

అంతకుముందు ఓపెనర్ కేఎల్ రాహుల్ 290 బంతుల్లో 136 పరుగులతో అద్భుత శతకం సాధించగా, దేవదత్ పడిక్కల్ 175 బంతుల్లో 80 పరుగులతో రాణించాడు. న్యూజిలాండ్ గడ్డపై ఒక టెస్టు తొలి ఇన్నింగ్స్‌లో భారత్ టాప్ ఆర్డర్ నలుగురు బ్యాటర్లు 50 పరుగుల మార్కు దాటడం ఇదే మొదటిసారి కాగా, మొత్తం టెస్టు క్రికెట్ చరిత్రలో నలుగురు టాప్ ఆర్డర్ బ్యాటర్లు 80కి పైగా పరుగులు చేయడం ఇది 12వ సారి మాత్రమే. 146 బంతుల్లో 9 ఫోర్లు, 2 సిక్సర్లతో శతకానికి చేరువైన గిల్, జాకబ్ డఫీ వేసిన బంతి ప్యాడ్‌కు తగిలి ఆఫ్ స్టంప్‌ను గిరాటేయడంతో నిరాశగా వెనుదిరిగాడు.

గాయం నుంచి కోలుకుని తిరిగి జట్టులోకి వచ్చిన రిషబ్ పంత్ ఆరంభంలో నిదానంగా ఆడినప్పటికీ, ఆ తర్వాత తనదైన శైలిలో విరుచుకుపడ్డాడు. డఫీ వేసిన ఒకే ఓవర్‌లో రెండు సిక్సర్లు, ఒక ఫోర్ సహా 18 పరుగులు రాబట్టి భారత ఆధిక్యాన్ని వంద దాటించాడు. 55 బంతుల్లో తన 22వ టెస్టు అర్ధశతకాన్ని పూర్తి చేసుకున్న పంత్, గిల్‌తో కలిసి సెంచరీ భాగస్వామ్యాన్ని నెలకొల్పాడు. ఆటలో కివీస్ బౌలర్లు రివ్యూలను వృథా చేసుకోవడంతో పాటు నోబాల్స్ వేయడం భారత్‌కు మరింత కలిసొచ్చింది.

న్యూజిలాండ్ తొలి ఇన్నింగ్స్‌లో హెన్రీ నికోల్స్ 175 పరుగులతో రాణించడంతో 368 పరుగులకు ఆలౌటవగా, భారత బౌలర్లలో జస్‌ప్రీత్ బుమ్రా నాలుగు వికెట్లు పడగొట్టాడు. మూడో రోజు బ్యాటర్ల సమిష్టి ప్రదర్శనతో భారత్ మ్యాచ్‌పై పూర్తి ఆధిపత్యం సాధించింది.