telangana
నిజామాబాద్లో బీజేపీ మహా పాదయాత్ర రద్దు..
నిజామాబాద్, నవంబర్ 21: భారతీయ జనతా పార్టీ (బీజేపీ) జాతీయ అధ్యక్షుడు నితిన్ నబిన్ ఈ నెల 23న నిజామాబాద్ జిల్లా కేంద్రంలో నిర్వహించ తలపెట్టిన మహా పాదయాత్ర, బహిరంగ సభ కార్యక్రమాలు రద్దయ్యాయి. అనివార్య కారణాల వల్ల నిజామాబాద్ పర్యటనను రద్దు చేసుకున్నట్లు నిజామాబాద్ ఎంపీ ధర్మపురి అరవింద్ శనివారం ఒక ప్రకటనలో వెల్లడించారు.
అయితే, నితిన్ నబిన్ కరీంనగర్ జిల్లా పర్యటన, అక్కడ తలపెట్టిన పాదయాత్ర మాత్రం షెడ్యూల్ ప్రకారం యథావిధిగా కొనసాగుతాయని ఎంపీ అరవింద్ స్పష్టం చేశారు. నిజామాబాద్లో పాదయాత్ర రద్దు కావడంతో పార్టీ శ్రేణులు నిరాశ చెందాల్సిన అవసరం లేదని, వచ్చే నెలలో కేంద్ర హోంమంత్రి అమిత్ షా నేతృత్వంలో నిజామాబాద్లో భారీ స్థాయిలో మహా పాదయాత్రను నిర్వహిస్తామని ఆయన తెలిపారు. ఈ మేరకు త్వరలోనే కొత్త షెడ్యూల్ను ప్రకటిస్తామని ఎంపీ పేర్కొన్నారు.