మొక్కుబడిగా మండల సర్వసభ్య సమావేశం

కొండాపూర్ ; మండల కేంద్రంలో గురువారం నిర్వహించిన మండల సర్వసభ్య సమావేశం మొక్కుబడిగా కొనసాగింది. ఉదయం 11 గంటలకు ప్రారంభం కావాల్సిన సమావేశం 11.30  గంటలకు ప్రారంభం కాగా, అధికారులు, ప్రజాప్రతినిధులు ఒక్కొక్కరుగా మధ్యాహ్నం 1.30 గంటల వరకు హాజరయ్యారు. గ్రామాల్లో నెలకొన్న సమస్యలపై చర్చించి పరిష్కారాలు చూపాల్సిన సమావేశం కాస్తా  చాయ్, అల్పాహారానికే పరిమితమైందని పలువురు సర్పంచులు అసంతృప్తి వ్యక్తం చేశారు.గ్రామాల్లో నెలకొన్న సమస్యలు పరిష్కారం కాకుండా సమావేశాలు నిర్వహించడం వల్ల ప్రయోజనమేమిటని సర్పంచులు ప్రశ్నించారు. పలు శాఖల అధికారులు సమావేశానికి హాజరుకాకపోవడంపై అసహనం వ్యక్తం చేశారు. సమావేశం నిర్వహించాల్సిన అధికారులు సైతం తూతూమంత్రంగా కార్యక్రమాన్ని ముగించారనే విమర్శలు వ్యక్తమయ్యాయి.ఈ సందర్భంగా గొల్లపల్లి సర్పంచ్ శ్రీనివాస్ గౌడ్ మాట్లాడుతూ మునిదేవునిపల్లి  గ్రామ సర్పంచ్ దళితుడు కావడం వల్లే గ్రామంలో ఏడాది కాలంగా అభివృద్ధి పనులు చేపట్టినా ఎం బి లు చేయడం లేదని, బిల్లులు చెల్లించకపోవడానికి కారణాలేమిటని అధికారులను నిలదీశారు. పనులు పూర్తిచేసినప్పటికీ చెల్లింపులు జరగకపోవడంతో గ్రామాల్లో అభివృద్ధి పనులకు ఆటంకం ఏర్పడుతోందని ఆవేదన వ్యక్తం చేశారు. శివన్న గూడెం సర్పంచ్ వినోద్ మాట్లాడుతు వడ్లు ప్రభుత్వం కొనడం లేదు రైతు లను ఆడుకోవాలన్నారు అనంతరం విద్యుత్ తదితర సమస్యలపై చర్చించారు.ఈ సమావేశంలో తహసీల్దార్ అశోక్, ఎంపీడీవో సౌమ్యశ్రీ, ఆర్‌డబ్ల్యూఎస్ ఏఈ రవి, విద్యుత్ శాఖ అధికారి సిద్ధరాజ్, వ్యవసాయ అధికారి గణేశ్, ఏపీవో వీరప్ప, సర్పంచులు వినోద్, శ్రీనివాస్ గౌడ్ , కృష్ణ, స్రవంతి సంఘమేశ్వర్ సతీష్ సంగీత రాంచేంద్రారెడ్డి  తదితరులు పాల్గొన్నారు.