లైఫ్‌సైన్సెస్ రంగంలో విద్యార్థులకు ఉద్యోగ అవకాశాలు.. శ్రీ కృష్ణదేవరాయ విశ్వవిద్యాలయం.. లైఫ్‌సైన్సెస్ స్కిల్ డెవలప్‌మెంట్ కౌన్సిల్ మధ్య ఒప్పందం
అనంతపురం విద్య మేజర్ న్యూస్ :-లైఫ్‌సైన్సెస్ రంగంలో విద్యార్థులకు నైపుణ్యాభివృద్ధి, పరిశ్రమల శిక్షణ, ధ్రువీకరణ, ఉద్యోగ అవకాశాలు కల్పించే లక్ష్యంతో శ్రీ కృష్ణదేవరాయ విశ్వవిద్యాలయం (ఎస్‌కేయూ), లైఫ్‌సైన్సెస్ స్కిల్ డెవలప్‌మెంట్ కౌన్సిల్‌తో అవగాహన ఒప్పందం కుదుర్చుకుంది.
ఈ ఒప్పందం ద్వారా విద్యార్థులకు పరిశ్రమల ఆధ్వర్యంలో ప్రత్యేక శిక్షణ, నైపుణ్య ధ్రువీకరణ, ఇంటర్న్‌షిప్‌లు, క్యాంపస్ నియామకాలు, ఉద్యోగ అవకాశాలు కల్పించనున్నారు. నైపుణ్యాభివృద్ధి కేంద్రాలు, అత్యుత్తమ శిక్షణ కేంద్రాల ద్వారా పరిశ్రమల అవసరాలకు అనుగుణంగా శిక్షణ అందించనున్నారు.
ఈ సందర్భంగా ఉపకులపతి ప్రొఫెసర్ ఎన్.వి.ఆర్. జ్యోతి కుమార్ మాట్లాడుతూ.. విద్యాసంస్థలు, పరిశ్రమల మధ్య అనుసంధానం ద్వారా విద్యార్థులకు ప్రాయోగిక పరిజ్ఞానం, మెరుగైన ఉపాధి అవకాశాలు లభిస్తాయని తెలిపారు.
మల్లికార్జున నేటి దినపత్రిక సూర్య స్టాఫ్ రిపోర్టర్..
