ప్రతి విద్యార్థికి హాస్టల్ వసతి కల్పించాలి

ఎడ్యుకేషన్ స్టాఫ్ రిపోర్టర్ :  శ్రీపద్మావతి మహిళా డిగ్రీ కళాశాలలో ప్రవేశం పొందిన ప్రతి విద్యార్థినికి హాస్టల్ వసతి కల్పించాలని స్టూడెంట్స్ జేఏసీ డిమాండ్ చేసింది. ఈ మేరకు గురువారం టీటీడీ జేఈఓను కలిసి వినతిపత్రం అందజేశారు. అనంతరం వారు మట్లాడుతూ టీటీడీ విద్యా సంస్థలో విద్యానభ్యసించాలనే కోరికతో ఎంతో మంది పేద విద్యార్థులు రాయలసీమలోని పలు జిల్లాల నుంచి వ్యయప్రయాసలకోర్చి ప్రవేశాలు పొందుతున్నారని తెలిపారు. కళాశాలలో ప్రవేశం పొందిన విద్యార్థినులందరికీ హాస్టల్ వసతి అందుబాటులో లేకపోవడంతో పేద విద్యార్థినులు ప్రైవేటు హాస్టళ్లలో అధిక మొత్తంలో అద్దెలు చెల్లించలేక తీవ్ర ఇబ్బందులు ఎదుర్కొంటున్నారని ఆవేధన వ్యక్తం చేశారు. ఆర్థిక పరిస్థితులు అనుకూలించక కొంతమంది విద్యార్థినులు ఉన్నత విద్యను కొనసాగించలేని పరిస్థితులు ఏర్పడుతున్నాయని తెలిపారు. టీటీడీ అనేక విద్యా సంస్థలను నిర్వహిస్తూ పేద విద్యార్థులకు విద్యావకాశాలు కల్పిస్తున్న నేపథ్యంలో శ్రీపద్మావతి మహిళా డిగ్రీ కళాశాలలో చేరిన ప్రతి విద్యార్థినికి హాస్టల్ వసతి కల్పించేందుకు చర్యలు తీసుకోవాలని డిమాండ్ చేశారు. తీసుకోవాలని కోరుతున్నాము. ఈ కార్యక్రమంలో భారతీయ దళిత విద్యార్ధి సేన వ్యవస్థాపక అధ్యక్షుడు కొండా యుగంధర్, వాల్మీకి విద్యార్ధి సంఘం అధ్యక్షురాలు వినూత, విద్యార్థి నేతలు శివకుమార్, శ్రీధర్, మహేష్, అర్జున్, కృష్ణ, నాగార్జున పాల్గొన్నారు. 

సీఎం గౌడ్ తిరుపతి స్టాప్ రిపోర్టర్