కలిసికట్టుగా పని చేద్దాం సర్పంచ్ ఎన్నికల్లో గెలుద్దాం

కుందుర్పి(మేజర్ న్యూస్) అందరం కలిసికట్టుగా పనిచేసి వచ్చే సర్పంచ్ ఎన్నికల్లో అన్ని సర్పంచి స్థానాల్లో విజయకేతనం ఎగిరేద్దామని వైకాపా నాయకులు పిలుపు నిచ్చారు. మండల కేంద్రంలోని స్థానిక అల్లిపీరా స్వామి ఆశ్రమంలో వైసీపీ మండల కన్వీనర్ హనుమంతరాయుడు అధ్యక్షతన మండల సమావేశాన్ని గురువారం ఏర్పాటుచేశారు.ఈ కార్యక్రమానికి ముఖ్య అతిథులుగా మాజీ కన్వీనర్ సత్యనారాయణ శాస్త్రి సీనియర్ నాయకుడు సుదర్శన్ రెడ్డి,పాలాక్షి, సిపిఐ నాయకులు గోపాల్ తదితరులు హాజరయ్యారు. ఈసందర్భంగా వారు మాట్లాడుతూ సర్పంచ్ ఎన్నికలు వైకాపా సిపిఐ నాయకులు కలిసికట్టుగా పనిచేసి మండలంలోని 13 పంచాయతీలో సర్పంచ్ స్థానాలలో కైవసం చేసుకుందామన్నారు. పోటీ లేకుండా ఒక్కో పంచాయతీ నుండి ఒక్కఅభ్యర్థిని మాత్రమే వైసిపి మరియుమిత్రపక్షాల నుండి ఎంపిక చేయాలని నిర్ణయించారు.ఈ కార్యక్రమంలో మండల వ్యాప్తంగా తాజా ,మాజీ ప్రజాప్రతినిధులు వైసిపి నాయకులు అనుబంధ సంఘాల కార్యకర్తలు పాల్గొన్నారు.