రోడ్డు ప్రమాదంలో ఒకరికి తీవ్ర గాయాలు

రోడ్డు ప్రమాదంలో యువకుడికి తీవ్ర గాయాలు
మెరుగైన వైద్యం కోసం అనంతపురం ఆసుపత్రికి తరలింపు
తనకల్లు మేజర్ న్యూస్: మండల సమీపంలోని ఈతోడు రహదారిపై గురువారం ద్విచక్రవాహనం అదుపుతప్పి బోల్తాపడటంతో ఓ యువకుడు తీవ్రంగా గాయపడ్డాడు. నల్లచెరువు మండలం ఎర్రగుంటపల్లికి చెందిన చంద్రశేఖర్ అమడగూరు మండలంలో ఆంధ్రజ్యోతి విలేకరిగా పనిచేస్తున్నారు.
తన స్వగ్రామం నుంచి అత్తగారి ఊరైన మహమ్మదాబాద్ క్రాస్‌కు ద్విచక్రవాహనంపై వెళ్తుండగా ఈతోడు రహదారిలోని ఓ మలుపు వద్ద వాహనం అదుపుతప్పి బోల్తాపడింది. ఈ ప్రమాదంలో చంద్రశేఖర్ తీవ్రంగా గాయపడ్డారు.
సమాచారం అందుకున్న 108 అంబులెన్స్ సిబ్బంది వెంటనే ఘటనా స్థలానికి చేరుకుని క్షతగాత్రుడిని కదిరి ప్రభుత్వ ఆసుపత్రికి తరలించారు. అయితే ఆయన పరిస్థితి విషమంగా ఉండటంతో వైద్యుల సూచన మేరకు మెరుగైన వైద్యం కోసం అనంతపురం ఆసుపత్రికి తరలించినట్లు బంధువులు తెలిపారు.