వత్సవాయి మండలంలో రెండో విడతకు గ్రామ పంచాయతీ ఎన్నికలు నవంబర్ 29న పోలింగ్.. 18 నుంచి 20 వరకు నామినేషన్ల స్వీకరణ

వత్సవాయి: ఎన్టీఆర్ జిల్లా వత్సవాయి మండలంలో గ్రామ పంచాయతీ ఎన్నికల సందడి మొదలుకానుంది. నందిగామ, జగ్గయ్యపేట నియోజకవర్గాల పరిధిలోని గ్రామ పంచాయతీ ఎన్నికలు రెండో విడత (ఫేజ్‌–2)లో నిర్వహించనున్న నేపథ్యంలో ఎన్నికల ప్రక్రియకు సంబంధించిన షెడ్యూల్ ఖరారైంది.

నవంబర్ 18 నుంచి 20వ తేదీ వరకు సర్పంచ్, వార్డు సభ్యుల స్థానాలకు నామినేషన్లు స్వీకరించనున్నారు. నవంబర్ 21న నామినేషన్ల పరిశీలన, నవంబర్ 24న నామినేషన్ల ఉపసంహరణకు గడువు ముగియనుంది. నవంబర్ 29న పోలింగ్ నిర్వహించి అదే రోజు ఓట్ల లెక్కింపు చేపట్టనున్నారు.

రెండో విడత ఎన్నికల నేపథ్యంలో వత్సవాయి మండలంలోని గ్రామాల్లో రాజకీయ వాతావరణం వేడెక్కనుంది. సర్పంచ్, వార్డు సభ్యులుగా పోటీ చేసేందుకు ఆశావహులు సిద్ధమవుతున్నారు.