శ్రీ మూలస్థానేశ్వర స్వామిని దర్శించుకున్న ఎంపీ వేమిరెడ్డి దంపతులు

నెల్లూరు కల్చరల్ మేజర్ న్యూస్ 
కార్తీక మాసం సందర్భంగా మూలాపేటలోని శ్రీ భువనేశ్వరి సమేత శ్రీ మూలస్థానేశ్వర స్వామి దేవస్థానంలో గురువారం సాయంత్రం 6 గంటలకు ప్రముఖులు ప్రత్యేక దర్శనం చేసుకున్నారు. నెల్లూరు ఎంపీ వేమిరెడ్డి ప్రభాకర్ రెడ్డి, ఆయన సతీమణి వేమిరెడ్డి ప్రశాంతి రెడ్డి, నగర మేయర్ రూప్ కుమార్ యాదవ్, కోడూరు కమలాకర్ రెడ్డి తదితరులు శివాలయానికి విచ్చేసి స్వామివారిని దర్శించుకున్నారు.దర్శనానంతరం ఆలయ వేదపండితులు ప్రముఖులకు వేదాశీర్వచనం అందించారు. అనంతరం వారు స్వామివారి తీర్థప్రసాదాలు స్వీకరించి కృపకు పాత్రులయ్యారు. ఈ కార్యక్రమంలో పలువురు ప్రముఖులు, భక్తులు హాజరై స్వామివారి తీర్థప్రసాదాలు స్వీకరించి కరుణాకటాక్షాలు పొందారు.ఈ కార్యక్రమం ఆలయ చైర్మన్ పుట్టా అజయ్ కుమార్ రెడ్డి, ధర్మకర్త మండలి సభ్యులు, కార్యనిర్వహణాధికారి అర్వభూమి వెంకట శ్రీనివాసులు రెడ్డి ఆధ్వర్యంలో నిర్వహించారు.