శ్రీకాళహస్తి పురపాలక సంఘం ఎన్నికలు ప్రారంభం

మోగిన మున్సిపల్ భేరి 
- రేపటి నుండి నామినేషన్లు 
- ⁠26 న పోలింగ్ 
- ⁠30 వతేదీ ఓట్ల లెక్కింపు,

శ్రీకాళహస్తి మున్సిపల్ ఎన్నికలకు తెర లేచింది . చైర్మన్ తో పాటు 44 వార్డు కౌన్సిలర్ స్థానాలకు ఎన్నికలు నిర్వహించనున్నారు . శనివారం నుండి నామినేషన్ల ప్రక్రియ ప్రారంభం కానుంది . చైర్మన్ పదవి బిసి కేటగిరీ కి రిజర్వ్ చేశారు . అధికార యంత్రాంగం ఎన్నికల నిర్వహణకు సంబంధించిన ఏర్పాట్లు చేసింది.

నామినేషన్ కేంద్రాలు ఇవీ..
చైర్‌ పర్సన్ పదవికి, శ్రీకాళహస్తి మున్సిపల్ కార్యాలయం, మొదటి అంతస్తు 
వార్డులు : 
1 నుండి 8 వరకు: అరుంధతి దేవి నగర్-1 స్వర్ణ వార్డు సచివాలయం, మున్సిపల్ కార్యాలయం ప్రాంగణం 
9 నుండి 16 వరకు: మెప్మా భవనం, శ్రీకాళహస్తి మున్సిపల్ కార్యాలయం ప్రాంగణం 
17 నుండి 32 వరకు: మున్సిపల్ కౌన్సిల్ హాల్, మొదటి అంతస్తు, మున్సిపల్ కార్యాలయం 
33 నుండి 44 వరకు: మల్టీ పర్పస్ హాల్, ఆర్డీఓ కార్యాలయం ప్రాంగణం

ఎన్నికల ప్రక్రియ ఇలా 
14 వ తేదీ : వార్డుల వారీగా ఓటరు జాబితాల ప్రదర్శన , ఎన్నికల నోటిఫికేషన్ ప్రచురణ

నామినేషన్ల స్వీకరణ : 
14 నుండి 16 వ తేదీ వరకు ఉదయం 11 గంటల నుండి మధ్యాహ్నం 3.00 గంటల వరకు

నామినేషన్ల పరిశీలన :
17 వ తేదీ ఉదయం 11.00 గంటల నుండి

నామినేషన్ల  ఉపసంహరణ : 
19 వ తేదీ మధ్యాహ్నం 3 గంటల లోపు
3 గంటల తరువాత పోటీలో ఉన్న అభ్యర్థులు తుది జాబితా ప్రచురణ  

పోలింగ్ :
26వ తేదీ ఉదయం 7 గంటల నుండి సాయంత్రం 5 గంటల వరకు 
ఓట్ల లెక్కింపు : 
30వ తేదీ ఉదయం 8 గంటల నుండి

అభ్యర్థులకు  గరిష్ఠ ఎన్నికల వ్యయ పరిమితులు:  
చైర్‌ పర్సన్ అభ్యర్థి రూ.20  లక్షల రూపాయలు

కౌన్సిలర్ అభ్యర్థి: రూ.7 లక్షల 50 వేలు

ప్రశాంత ఎన్నికలకు సహకరించండి : కమిషనర్ 
అభ్యర్థులు తమకు సంబంధించిన నామినేషన్లను నిర్ణయించిన కేంద్రాలలో సమర్పించాలని  కమిషనర్ కృష్ణా రెడ్డి కోరారు. ఎన్నికల ప్రక్రియ ప్రశాంతంగా, స్వేచ్ఛగా, నిష్పక్షపాతంగా నిర్వహించేందుకు పట్టణ ప్రజలు, అన్ని రాజకీయ పార్టీలు,  అభ్యర్థులు ఎన్నికల ప్రవర్తనా నియమావళిని  తప్పనిసరిగా పాటించాలని కోరారు.  వీసీ వెంకటయ్య సూర్య దినపత్రిక ఇన్చార్జి శ్రీకాళహస్తి