మిషన్ భగీరథ నీరు వృథా.. పట్టించుకోని అధికారులు!
సూర్య చింతలమానేపల్లి: కొమురం భీమ్ ఆసిఫాబాద్ జిల్లా, చింతలమానేపల్లి మండల కేంద్రంలోని మామిడి చెట్టు వద్ద మిషన్ భగీరథ పైపుల నుంచి తాగునీరు వృథాగా పారుతోంది. నీటి వృథాను అరికట్టాల్సిన సంబంధిత అధికారులు, సిబ్బంది నిర్లక్ష్యంగా వ్యవహరిస్తున్నారనే విమర్శలు వ్యక్తమవుతున్నాయి. లీకేజీలను వెంటనే గుర్తించి మరమ్మతులు చేపట్టి, ప్రతి ఇంటికి సక్రమంగా తాగునీరు సరఫరా చేయాలని, విలువైన నీటిని వృథా కాకుండా చూడాలని మండల ప్రజలు అధికారులను కోరుతున్నారు.