మణుగూరు కండక్టర్ ప్రవళిక కు పరామర్శ - ఆమె ఆరోగ్యం పై హనుమంతు ముదిరాజ్ ఆరా
సూపర్ స్పెషాలిటీ ఆసుపత్రికి తరలించి మెరుగైన వైద్యం అందించాలని డిమాండ్
తెలంగాణ బ్యూరో , ప్రతినిధి : సాయి సంజీవిని ఆస్పత్రిలో చికిత్చ పొందుతున్న మణుగూరు ఆర్ టి సీ డిపో కండక్టర్ ప్రవళికను టి జెఎమ్‌యు రాష్ట్ర ప్రధాన కార్యదర్శి హనుమంతు ముదిరాజ్, డి ఎస్ ఎన్ ఆర్ డిపో కార్యదర్శి బి.ఎన్. రెడ్డి, హైదరాబాదు సిటీ రిజినల్ ప్రెసిడెంట్ రాజయ్య, హెచ్ వైటి డిపో సెక్రటరీ కె.ఆర్.ఎమ్. రావ్ తదితరులు పరామర్శించారు. అదే విధంగా ప్రవళిక తల్లి విజయ లక్ష్మి ని ,ఆస్పత్రికి వచ్చిన ఈ డి వెంకన్న ని, ఈ డి సోలోమన్ ని ఖమ్మం ఆర్. ఎం. సాయిరామ్ ని, ఆర్. ఎం. శ్రీనాథ్ ని కలిసి ఆరోగ్యపరిస్తితి గురించి అడిగి తెలుసుకున్నారు. ఆధార్ కార్డు లేకపోవడంతో టికెట్ తీసుకోవాలని సూచించిన కండక్టర్ ప్రవళ్లికను ప్రయాణికురాలు తోసివేయడంతో ఆమె కిందపడి ప్రమాదానికి గురైన ఘటన తెలిసిందే . అనంతరం ఆస్పత్రి సూరింటెండెంట్ ని కలిసి ఆరోగ్య పరిస్థితిని అడిగి తెలుసుకున్నారు. కండక్టర్ ప్రవళిక ఆరోగ్యం క్లిష్టంగా ఉందని వైద్యులు తెలిపారు. యాజమాన్యం వెంటనే సూపర్ స్పెషాలిటీ ఆసుపత్రికి తరలించి మెరుగైన వైద్యం అందించాలని టి జెఎమ్‌యురాష్ట్ర ప్రధాన కార్యదర్శి హనుమంతు ముదిరాజ్ కోరారు.
