మల్లూరు గుట్టకు మహిళల పాదయాత్ర

మంగపేట, మేజర్ న్యూస్, కార్తీక మాసం సందర్భంగా మండలంలోని రమణక్కపేట గ్రామానికి చెందిన పలువురు మహిళలు ఆదివారం రోజు మల్లూరు శ్రీ హేమాచల గుట్టకు పాదయాత్ర చేశారు. ఉదయాన్నే గ్రామం నుంచి బయలుదేరిన మహిళలు భక్తి పాటలు పాడుతూ, గోవింద నామస్మరణ చేస్తూ గుట్టకు చేరుకున్నారు. అక్కడ స్వామి వారికి ప్రత్యేక పూజలు నిర్వహించి మొక్కులు తీర్చుకున్నారు. కార్తీక మాసంలో గుట్టకు పాదయాత్ర చేస్తే కోరిన కోరికలు నెరవేరుతాయని మహిళలు విశ్వాసం వ్యక్తం చేశారు. ఈ పాదయాత్రలో మహిళలు సృజన, చంద్రమ్మ, రాధ , హేమంతి, వెంకటలక్ష్మి, ధనలక్ష్మి, రవలి, కనకలక్ష్మి, సీతమ్మ, చరణ్య, ప్రణవి తదితరులు  పాల్గొన్నారు.

రిపోర్టర్; స్నేహకుమార్, మంగపేట, ములుగు జిల్లా