ఎమ్మెల్యే దొంతి మాధవరెడ్డి చేతుల మీదుగా నూతన పెన్షన్ పత్రాల పంపిణీ

ఖానాపూర్, మేజర్ న్యూస్, రాష్ట్ర ప్రభుత్వం నూతనంగా మంజూరు చేసిన చేయూత పెన్షన్లకు సంబంధించి లబ్ధిదారులకు మంజూరు పత్రాల పంపిణీ కార్యక్రమం ఖానాపూర్ మండలంలో ఘనంగా నిర్వహించారు. ఈ కార్యక్రమానికి నర్సంపేట శాసనసభ్యులు దొంతి మాధవరెడ్డి ముఖ్య అతిథిగా హాజరై 505 మందికి మంజూరు పత్రాలను పంపిణీ చేశారు. ఇందులో 287 వితంతువులకు, ఒంటరి మహిళలకు 75,కల్లుగీత కార్మికులకు  39, దివ్యాంగులకు 104,కొత్త పెన్షన్లు మంజూరు చేశారు. ఈ సందర్భంగా ఎమ్మెల్యే మాట్లాడుతూ ప్రజా సంక్షేమమే ధ్యేయంగా ముఖ్యమంత్రి రేవంత్ రెడ్డి నాయకత్వంలో తెలంగాణ ప్రభుత్వం సంక్షేమ పథకాలను అమలు చేస్తూ ప్రజలకు అండగా నిలుస్తోందని, అర్హులైన ప్రతి ఒక్కరికీ ప్రభుత్వ సంక్షేమ ఫలాలు అందించడమే లక్ష్యమని పేర్కొన్నారు. నియోజకవర్గ పరిధిలో మొత్తం 4900 పెన్షన్లు మంజూరు చేసినట్లు, పరిశీలన దశలో మరో 400 ఉన్నట్లు తెలిపారు. కార్యక్రమంలో ఎంపీడీవో అద్వైత, ఎం ఆర్ ఓ,ఖానాపూర్ కాంగ్రెస్ మండల పార్టీ అధ్యక్షుడు నర్సంపేట ఏఎంసీ వైస్ చైర్మన్ హరిబాబు, ఖానాపూర్ పీఏసీఎస్ చైర్మన్ వల్లే శ్రీనివాస్ యాదవ్, కాంగ్రెస్ పార్టీ నాయకులు, కార్యకర్తలు పాల్గొన్నారు.

రిపోర్టర్: అనిల్ కుమార్ ,కానాపురం, వరంగల్ జిల్లా