భగవాన్ బిర్సా ముండా పోరాట స్ఫూర్తి అందరికీ ఆదర్శం

మంగపేట, మేజర్ న్యూస్, మండలంలోని రాజుపేటలో భగవాన్ బిర్సా ముండా 151వ జయంతి వేడుకలు ఘనంగా నిర్వహించారు. ఆదివాసి సంఘాల నాయకుల ఆధ్వర్యంలో జరిగిన ఈ కార్యక్రమానికి ముఖ్య అతిథిగా శ్రీ రామ కృష్ణ సేవా ట్రస్ట్ చైర్మన్, ములుగు జిల్లా బీఆర్ఎస్ యూత్ ప్రధాన కార్యదర్శి బాడిశ నాగ రమేష్ హాజరై బిర్సా ముండా చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ బిర్సా ముండా ఆదివాసీల హక్కుల కోసం బ్రిటిష్ వారిపై, జమీందార్లపై పోరాడి 24 ఏళ్లకే అమరుడయ్యారని, ఆయన త్యాగం భావితరాలకు ఆదర్శమన్నారు. కార్యక్రమం లో ఆదివాసి నాయకులు పోలేబోయిన సుధాకర్, తుడుం దెబ్బ జిల్లా అధ్యక్షులు నల్లబోయిన లక్ష్మణ్ దొర, ఆదివాసీ జెఏసి నాయకులు పోలేబోయిన ఆదినారాయణ, ఉద్యోగ సంఘం నాయకులు మద్దెల అంజయ్య, ఆదివాసి పెద్దలు పోలబోయిన రామరాజు, సోయం అచ్చయ్య, పండా శ్రీను, ఎట్టి సారయ్య, మేకల రాందాసు, గొప్ప చంద్ర కాంత్, గట్టిపల్లి అర్జున్, కొమరం రవి, పోలెబోయిన నాగార్జున, చందా పూర్ణ, కొమరం పుల్లారావు, గట్టిపల్లి అర్జున్ తదితర ఆదివాసీలు పాల్గొన్నారు.

రిపోర్టర్; స్నేహ కుమార్, మంగపేట, ములుగు జిల్లా