కార్తీక సోమవారం.. కొనగట్టు శివాలయానికి పోటెత్తిన భక్తులు!
రంగారెడ్డి : కార్తీక మాసం చివరి సోమవారం సందర్భంగా చేవెళ్లలోని కొనగట్టు శివాలయం భక్తులతో కిటకిటలాడింది. తెల్లవారుజాము నుంచే భక్తులు పెద్ద సంఖ్యలో ఆలయానికి చేరుకుని పరమశివుడిని దర్శించుకున్నారు. కార్తీక సోమవారం కావడంతో ఆలయంలో ప్రత్యేక పూజలు నిర్వహించారు. భక్తులు భక్తిశ్రద్ధలతో స్వామివారికి అభిషేకాలు, అర్చనలు నిర్వహించి మొక్కులు చెల్లించుకున్నారు. ఈ సందర్భంగా చేవెళ్ల ఎస్ఐ కోటేశ్వరరావు, ముడిమ్యాల సొసైటీ చైర్మన్ గోనె ప్రతాప్రెడ్డి తదితరులు ఆలయాన్ని సందర్శించి స్వామివారిని దర్శించుకున్నారు.
వడ్ల శ్రీనివాస చారి : రంగారెడ్డి - మేజర్ న్యూస్