జాతీయ స్థాయి కథల పోటీల్లో వెల్మల్ బొప్పారం విద్యార్థినికి 8వ స్థానం

సూర్య సోన్ రూరల్ : సోన్ మండలంలోని జిల్లా పరిషత్ ఉన్నత పాఠశాల,వెల్మల్ బొప్పారంలో 9వ తరగతి చదువుతున్న గుగ్లావత్ చరిత జాతీయ స్థాయి కథల పోటీల్లో ప్రతిభ చాటింది. బాలచెలిమి మాసపత్రిక బాలల దినోత్సవాన్ని పురస్కరించుకుని నిర్వహించిన జాతీయ స్థాయి కథల పోటీల్లో చరిత ఎనిమిదవ స్థానాన్ని సాధించినట్లు పాఠశాల ప్రధానోపాధ్యాయులు నాలం విద్యాసాగర్ తెలిపారు.విద్యార్థినిలోని సృజనాత్మకతను,కథా రచనా నైపుణ్యాన్ని అభినందిస్తూ ఈ సందర్భంగా పాఠశాల ప్రధానోపాధ్యాయులు నాలం విద్యాసాగర్, వెల్మల్ సర్పంచ్ రాచకొండ సాగర్,బొప్పారం సర్పంచ్ దేశెట్టి నరేష్, ఉపాధ్యాయులు కొప్పుల లక్ష్మణ్, సంపూర్ణ, ముత్తన్న, నీల రమేష్, భారతి, రమాదేవి, కవిత తదితరులు విద్యార్థిని గుగ్లావత్ చరితను, ఆమెకు మార్గదర్శకత్వం వహించిన గైడ్ టీచర్ కొండూరు పోతన్నను అభినందించారు.విద్యార్థులు చదువుతోపాటు సాహిత్య రంగంలోనూ రాణించడం పాఠశాలకు గర్వకారణమని వారు పేర్కొన్నారు.