BREAKING
కౌటాలలో మాలి సంఘ సమావేశం - భవిష్యత్తు కార్యాచరణపై కీలక చర్చ రొంపిచెర్లలో నామినేషన్ల స్వీకరణకు అన్ని ఏర్పాట్లు పూర్తి. శ్రీవారి చిత్రకారుడు శ్రీనివాసన్ కన్నుమూత రైతాంగాన్ని పీడిస్తున్న కూటమి ప్రభుత్వం మాజీ మంత్రి కాకాణి గోవర్ధన్‌రెడ్డి ధ్వజం వాల్ స్ట్రీట్ ట్రెండ్స్ మరియు అమెరికన్ ఆర్థిక వ్యవస్థపై తాజా విశ్లేషణ మాదకద్రవ్యాల నిర్మూలనపై విద్యార్థినులకు అవగాహన ఐస్‌లాండ్‌లో సరికొత్త పర్యాటక సాహసం ఘనంగా జాతీయ పత్రికా దినోత్సవం విద్యార్థులు పుస్తకాలను చదివి విజ్ఞానాన్ని పెంపొందించుకోవాలి సర్వేపల్లి–రాపూరు యూనిట్‌కు నూతన కార్యవర్గం ఎన్నిక జాతీయ రహదారి భద్రత మండలి సభ్యునిగా మబ్బు సూర్యనారాయణ రెడ్డి కార్పొరేట్ రంగంలో కొత్త నిబంధనల భారం ప్రజావాణిలో వచ్చిన దరఖాస్తులను వెంటనే పరిష్కరించాలి - జిల్లా కలెక్టర్ ఆశీష్ సంఘ్వాన్ నామినేషన్ కేంద్రాల వద్ద అప్రమత్తంగా ఉండాలి యుద్ధ వాతావరణం నీడలో సౌదీ అరేబియా 'విజన్ 2030' భవిష్యత్

ఇసుక తవ్వకాలతో భూగర్భ జలాలు అడుగంటుతున్నాయి — ఆర్మూర్ సబ్ కలెక్టర్‌కు కలిగోట గ్రామస్థుల వినతి

Select Suryaa Now
ఇసుక తవ్వకాలతో భూగర్భ జలాలు అడుగంటుతున్నాయి — ఆర్మూర్ సబ్ కలెక్టర్‌కు కలిగోట గ్రామస్థుల వినతి
సూర్య ఆర్మూర్: రూరల్ : రెవెన్యూ డివిజన్లోని జక్రాన్‌పల్లి మండలం కలిగోట్ గ్రామ పరిధిలోని వాగు నుండి నిరంతరం సాగుతున్న ఇసుక తవ్వకాల వల్ల గ్రామంలో తీవ్ర నీటి ఎద్దడి ఏర్పడే ప్రమాదం ఉందని, తక్షణమే ఇసుక తరలింపును నిలిపివేయాలని కోరుతూ గ్రామ సర్పంచ్ నాయక రాజు ఆధ్వర్యంలో గ్రామస్థులు ఆర్మూర్ సబ్ కలెక్టర్‌కు వినతిపత్రం అందజేశారు.
ఈ సందర్భంగా సర్పంచ్ నాయక రాజు మాట్లాడుతూ.. కలిగోట్ గ్రామ వాగు సమీపంలో బోర్లు వేసుకుని, సుమారు 3 నుండి 4 కిలోమీటర్ల దూరం పైపులైన్ల ద్వారా నీటిని తరలిస్తూ దాదాపు 2,000 ఎకరాల వరకు రైతులు పంటలు సాగు చేస్తున్నారని తెలిపారు. అలాగే గ్రామంలోని మూడు ప్రధాన వాటర్ ట్యాంకులకు కూడా ఇక్కడి నుండే తాగునీరు సరఫరా అవుతోందని పేర్కొన్నారు. ప్రస్తుతం ఎల్-నినో  ప్రభావం వల్ల వర్షాభావ పరిస్థితులు నెలకొని, భూగర్భ జలాలు రోజురోజుకూ అడుగంటిపోతున్నాయని ఆవేదన వ్యక్తం చేశారు.గతంలో ప్రభుత్వ అవసరాల నిమిత్తం ఇసుక తరలింపునకు సహకరించామని, కానీ ప్రస్తుత క్లిష్ట పరిస్థితుల్లో ఇసుక తవ్వకాలను కొనసాగిస్తే పంటలు ఎండిపోవడమే కాకుండా గ్రామానికి తాగునీటి కష్టాలు తప్పవని అన్నారు. మళ్లీ వర్షాలు కురిసే వరకు ఇసుక రవాణాను పూర్తిగా నిలిపివేయాలని కోరారు. గ్రామస్థుల విజ్ఞప్తిని సావధానంగా విన్న ఆర్మూర్ సబ్ కలెక్టర్ సానుకూలంగా స్పందించి, సమస్య తీవ్రతను పరిశీలించి త్వరలోనే తగిన చర్యలు తీసుకుని పరిష్కరిస్తామని హామీ ఇచ్చారు. ఈ కార్యక్రమంలో ఉప సర్పంచ్ సత్తెక్క, వీడీసీ సభ్యులు, గ్రామ సంఘాల పెద్దలు మరియు గ్రామస్థులు పాల్గొన్నారు.