ఎస్ఐఆర్ ను తక్షణమే రద్దు చేయాలని ధర్నా

సూర్య రెంజల్  : ఎస్ఐఆర్ ను తక్షణమే రద్దు చేయాలని, భారత ఎన్నికల అధికారిని తొలగించాలని అఖిల భారత ఐక్య రైతు కూలీ సంఘం నాయకులు డిమాండ్ చేశారు. రెంజల్ మండలంలోని తహసిల్దార్ కార్యాలయం ఎదుట శుక్రవారం ధర్నా కార్యక్రమాన్ని నిర్వహించారు. ఈ సందర్భంగా మాట్లాడుతూ... ఓటర్ జాబితాలో ఎస్ ఐ ఆర్  తక్షణమే రద్దు చేయాలని, భారత ఎన్నికల అధికారి జ్ఞానేష్ కుమార్ ను వెంటనే తొలగించాలని డిమాండ్ చేశారు. 1341 కోట్ల మందికి ఓటు పునరుద్ధరణ కల్పించాలని కోరారు. పౌరులందరికీ ఓటు హక్కు కల్పించేందుకు సుప్రీంకోర్టు న్యాయమూర్తి తో విచారణ జరిపించాలని డిమాండ్ చేస్తూ వినతి పత్రాన్ని అందజేశారు. ఈ కార్యక్రమంలో అఖిల భారత ఐక్య రైతు కూలీ సంఘం నాయకులు పుట్టి నడిపి నాగన్న, పార్వతి రాజేశ్వర్, గంగాధర్, పోశెట్టి, మల్లేష్, రవి, మక్కన్న తదితరులు పాల్గొన్నారు.