దండారి ఉత్సవాల్లో పాల్గొన్న మహిళా కాంగ్రెస్ జాతీయ కార్యదర్శి బి. ఆదిత

సూర్య,కాగజ్‌నగర్: కొమురం భీమ్ ఆసిఫాబాద్ జిల్లాలో గిరిజన సంప్రదాయాలకు ప్రతీకగా నిర్వహించిన దండారి ఉత్సవాల్లో ఆల్ ఇండియా మహిళా కాంగ్రెస్ జాతీయ కార్యదర్శి బి. ఆదిత పాల్గొని సందడి చేశారు. కాగజ్‌నగర్ మండలంలోని మేడిపల్లి, పెద్దమాలిని, చిన్నమాలిని గ్రామాలతో పాటు సిర్పూర్ మండలంలోని మేడిపల్లి గ్రామంలో జరిగిన దండారి ఉత్సవాలు, సాంస్కృతిక సంబరాల్లో ఆమె పాల్గొన్నారు.అనంతరం పెద్దమాలిని గ్రామంలో పల్లె నిద్ర కార్యక్రమం నిర్వహించి గ్రామస్తులతో మమేకమయ్యారు. ఈ సందర్భంగా గిరిజనుల సంప్రదాయాలు, సంస్కృతి, గ్రామీణ జీవన విధానంపై ఆసక్తి కనబరిచారు.ఈ కార్యక్రమంలో సర్పంచ్ మాణిక్యరావు, అనిత భాయ్, డోబి పటేల్, కొర్రం మారుతి, ఓదెలు, నగేష్, గోపాల్‌తో పాటు పలువురు గ్రామస్తులు పాల్గొన్నారు.