గ్రామ పంచాయతీ ఎన్నికల నామినేషన్ల స్వీకరణకు 6 కేంద్రాలు

నెల్లిమర్ల, సూర్య : ​నెల్లిమర్ల మండలంలో గ్రామ పంచాయతీ ఎన్నికల నిర్వహణకు సర్వం సిద్ధమవుతోంది. ఎన్నికల ప్రక్రియలో భాగంగా నామినేషన్ల స్వీకరణ కోసం మండలంలో ఆరు ప్రత్యేక కేంద్రాలను గుర్తించినట్లు ఎంపీడీఓ శంకర జగన్నాథం  వెల్లడించారు. రాష్ట్ర ఎన్నికల సంఘం నుంచి త్వరలోనే అధికారిక నోటిఫికేషన్ వెలువడనున్న నేపథ్యంలో, అధికారులు ముందస్తు ఏర్పాట్లను ముమ్మరం చేశారు. ​అభ్యర్థులు ఎక్కడ నామినేషన్లు దాఖలు చేయాలో స్పష్టతనిస్తూ అధికారులు కేంద్రాలవారీగా గ్రామాలను కేటాయించారు.
​నామినేషన్ కేంద్రాలు - గ్రామాల వారీ వివరాలు
​అలుగోలు కేంద్రం       : అలుగోలు, బొప్పడాం, జోగిరాజుపేట, గుషిణి, మధుపాడ గ్రామాల అభ్యర్థులు.
​కొండవెలగాడ కేంద్రం   : కొండవెలగాడ, చంద్రమ్మపేట, పారసాం, బూరాడపేట, పెద బూరాడపేట, టెక్కలి గ్రామాల అభ్యర్థులు.
​మొయిద కేంద్రం        : కొండగుంపాం, గరికిపేట, పూతికపేట, మొయిద గ్రామాల అభ్యర్థులు.
​కొత్తపేట కేంద్రం          : కొత్తపేట, సారిపల్లి, సీతారామునిపేట, గొర్లిపేట అభ్యర్థులు.
​రామతీర్థం కేంద్రం       : రామతీర్థం, దన్నానపేట, తంగుడిబిల్లి, ఏటీ అగ్రహారం గ్రామాల అభ్యర్థులు.
​సతివాడ కేంద్రం         : సతివాడ, ఒమ్మి, మల్యాడ, వల్లూరు గ్రామాల అభ్యర్థులు.
​ముఖ్య గమనిక : ఈ కేంద్రాలన్నింటిలోనూ స్టేజ్-1 ఎన్నికల అధికారులు నామినేషన్లను స్వీకరిస్తారని ఎంపీడీఓ తెలిపారు. ఎన్నికలకు సంబంధించి రాష్ట్ర ఎన్నికల సంఘం నుంచి నోటిఫికేషన్ వెలువడిన వెంటనే నామినేషన్ల స్వీకరణ ప్రక్రియ అధికారికంగా ప్రారంభం కానుంది.