నెల్లిమర్లలో ఉపాధ్యాయుడు హత్యపై సమగ్ర దర్యాప్తు చేయాలి

నెల్లిమర్ల, సూర్య : నెల్లిమర్ల పట్టణంలోని గాంధీనగర్ కాలనీలో గిరిజన ఉపాధ్యాయుడు కుమరాపు సోమన్నదొర హత్యకు గురైన ఘటన తీవ్ర బాధాకరమని మైదాన ప్రాంత గిరిజన నిరుద్యోగ సంఘం జిల్లా అధ్యక్షులు రఘుపతుల శశిభూషణ్ అన్నారు.  ఈ ఘటనపై సమగ్ర విచారణ జరిపి, హత్యకు గల పూర్తి కారణాలను వెలికితీసి, బాధ్యులపై కఠినమైన చట్టపరమైన చర్యలు తీసుకోవాలని డిమాండ్ చేశారు.  సమాజ నిర్మాణంలో కీలక పాత్ర పోషించే ఉపాధ్యాయుడిపై ప్రశాంతంగా ఉండే నెల్లిమర్లలో ఇలాంటి దారుణమైన హత్య సంఘటన జరగడం అత్యంత బాధాకరమన్నారు. ఒక వ్యక్తి మరొక వ్యక్తి ప్రాణాలను తీసే హక్కు ఎవరికీ లేదని, జీవించే హక్కు భారత రాజ్యాంగం ప్రతి పౌరుడికి కల్పించిందని ఇలాంటి ఘటనలు వల్ల సమాజంలో మానవతా విలువలు క్షీణిస్తున్నాయని అయన ఆందోళన వ్యక్తం చేసారు. ఈ హత్య ఘటనపై పోలీస్ శాఖ నిష్పక్షపాతంగా సమగ్ర దర్యాప్తు నిర్వహించి, నిందితులను గుర్తించి  కఠినంగా శిక్షించాలని,  బాధిత ఉపాధ్యాయుడి కుటుంబానికి ప్రభుత్వం అండగా నిలిచి, తగిన న్యాయం,  అవసరమైన ఆర్థిక సహాయం అందించాల విజ్ఞప్తి చేశారు.