దసరా సెలవుల అనంతరం నేటి నుంచి పాఠశాలలు పునఃప్రారంభం - ఎంఈఓ జాదవ్ మధుకర్

సూర్య జైనూర్: దసరా సెలవుల అనంతరం జైనూర్ మండలంలోని అన్ని ప్రభుత్వ పాఠశాలలు రేపటి నుంచి పునఃప్రారంభం కానున్నట్లు మండల విద్యాధికారి (ఎంఈఓ) జాదవ్ మధుకర్ తెలిపారు. తల్లిదండ్రులు తమ పిల్లలను క్రమం తప్పకుండా పాఠశాలలకు పంపించాలని సూచించారు. విద్యార్థుల విద్యాభివృద్ధిని దృష్టిలో ఉంచుకొని పాఠశాలల్లో 100 శాతం హాజరు ఉండేలా తల్లిదండ్రులు సహకరించాలని కోరారు. అలాగే గ్రామాల సర్పంచులు, ప్రజాప్రతినిధులు సమన్వయంతో వ్యవహరించి ప్రతి విద్యార్థి పాఠశాలకు వచ్చేలా చర్యలు తీసుకోవాలని విజ్ఞప్తి చేశారు. విద్యార్థుల హాజరు పెంపుతో పాటు విద్యా ప్రమాణాల మెరుగుదలకు ప్రతి ఒక్కరూ కృషి చేయాలని ఎంఈఓ పిలుపునిచ్చారు.