ఖమనలో వర్షవాస్ ముగింపు వేడుకలు

సూర్య వాంకిడి: మండలంలోని ఖమన గ్రామంలో నాగ్‌సేన్ బుద్ధ విహార్ ఆధ్వర్యంలో వర్షవాస్ ముగింపు వేడుకలు శుక్రవారం ఘనంగా నిర్వహించారు. గ్రామ బౌద్ధ సమాజ్ అధ్యక్షుడు జాడి శేఖర్ పంచశీల జెండాను ఎగురవేశారు. అనంతరం బుద్ధ పూజ నిర్వహించి, అన్నదానం చేశారు.కార్యక్రమంలో గ్రంథ పాఠకుడు కిషన్ కోబ్రగడే, సహ పాఠకుడు శంకర్ తక్సండేలను శాలువాలతో సత్కరించారు. మహారాష్ట్రకు చెందిన ప్రబోధకుడు సత్యపాల్ మహారాజ్ ఆధ్వర్యంలో సప్తఖంజరి కీర్తన నిర్వహించగా, పరిసర గ్రామాల నుంచి భక్తులు, బౌద్ధ ఉపాసకులు పెద్ద సంఖ్యలో హాజరయ్యారు.ఆషాఢ పౌర్ణమి నుంచి అశ్వినీ పౌర్ణమి వరకు మూడు నెలల పాటు వర్షవాస్ కార్యక్రమం కొనసాగింది. ఈ సందర్భంగా ‘మిలింద ప్రశ్న’ గ్రంథాన్ని పఠనం చేసినట్లు నిర్వాహకులు తెలిపారు.కార్యక్రమంలో బౌద్ధ సమాజ్ ఉపాధ్యక్షుడు జాడి తిరుపతి, మారుతి, టెమాజీ, దేవాజీ, పెంటు, చేతన్ శర్మ, కేసర్‌బాయి, దర్శన, రేఖ, రేవతో పాటు గ్రామ పెద్దలు, బౌద్ధ ఉపాసకులు పాల్గొన్నారు.