సూర్య కరీంనగర్‌ :వినియోగదారులకు నాణ్యమైన విద్యుత్‌ సరఫరా అందించేందుకు ఆధునిక సాంకేతిక పరిజ్ఞానంతో పలు చర్యలు చేపడుతున్నట్లు కరీంనగర్‌ సర్కిల్‌ సూపరింటెండింగ్‌ ఇంజనీర్‌ ఏ. విజయేందర్‌ రెడ్డి తెలిపారు. ఇందులో భాగంగా 33 కేవీ ఇంటర్‌లింక్‌ లైన్లు, ఫాల్ట్‌ ప్యాసేజ్‌ ఇండికేటర్ల ఏర్పాటు చేపట్టినట్లు పేర్కొన్నారు.ఇప్పటివరకు 96 సబ్‌స్టేషన్లను ఇతర సబ్‌స్టేషన్లతో అనుసంధానించామని, 11 కేవీ లైన్లలో 37 ఫాల్ట్‌ ప్యాసేజ్‌ ఇండికేటర్లను ఏర్పాటు చేసినట్లు వివరించారు. వీటి ద్వారా విద్యుత్‌ లైన్లలో లోపాలను త్వరగా గుర్తించి సరఫరాను వేగంగా పునరుద్ధరించవచ్చన్నారు. పెరుగుతున్న విద్యుత్‌ వినియోగానికి అనుగుణంగా ప్రతి సబ్‌స్టేషన్‌లో రెండు పవర్‌ ట్రాన్స్‌ఫార్మర్లు ఏర్పాటు చేసి సరఫరా వ్యవస్థను మరింత పటిష్ఠం చేస్తున్నట్లు తెలిపారు.
