ఒక్క అవకాశం ఇవ్వండి.... నగర ప్రజలు గర్వించే విధంగా నగరాన్ని అభివృద్ధి పరుస్తాను

విజయనగరం, సూర్య : ఎన్నికల ప్రచారంలో భాగంగా వైఎస్ఆర్సిపి విజయనగరం మేయర్ అభ్యర్థిని కోలగట్ల శ్రావణి శుక్రవారం నాడు 57, 27, 28, 35 వార్డుల్లో వైఎస్ఆర్సిపి కార్పొరేట్ అభ్యర్థులతో కలసి పర్యటించారు. పర్యటనలో ఎన్నడూ లేని విధంగా ఆమెకు ఘన స్వాగతం పలుకుతూ నుదుటున తిలకం దిద్ది, హారతి పట్టి ఆశీర్వదించారు. తండ్రి మాజీ డిప్యూటీ స్పీకర్ కోలగట్ల వీరభద్ర స్వామి  అడుగుజాడల్లో నడుస్తూ గత 10 ఏళ్లుగా రాజకీయ జీవితంలో ఉన్నానని, విజయనగర ప్రజలతో ఆమెకు పరిచయాలు ఉన్నాయని, గతంలో డిప్యూటీ మేయర్ గా చేసిన అనుభవం కలిగి ఉన్నానని ఆమె అన్నారు. ఇప్పుడు తొలిసారిగా మేయర్ గా పోటీ చేస్తున్నానని, నగర ప్రజలందరూ ఆదరించాలని అభ్యర్థించారు. తాను గెలిస్తే  నగర సమస్యలను తీర్చేందుకు కృషి చేస్తానని, రోడ్లు, ప్రధాన కూడళ్లలో అభివృద్ధి, పాఠశాలలు, పార్కులు అభివృద్ధికి తోడ్పడుతానని ఆమె అన్నారు. తమ అమూల్యమైన ఓటును ఫ్యాన్ గుర్తుకు వేసి తనకు మేయర్ గా ఒక అవకాశం కల్పించాలని విజ్ఞప్తి చేశారు ఈ కార్యక్రమంలో ఆయా డివిజన్ల కార్పొరేట్ అభ్యర్థులు తాళ్లపూడి వెంకటలక్ష్మి, సిరికి స్వాతి, కాళ్ళకూరి సంతోషి, కొండేటి ప్రకాష్ లతోపాటు వైసిపి నాయకులు, కార్యకర్తలు, అభిమానులు, మహిళలు అధిక సంఖ్యలో పాల్గొన్నారు.

రిపోర్టర్ :  డేవిడ్ రాజు, విజయనగరం.