తాగునీటి సమస్యపై బీజేపీ పోరుబాట: జలమండలి అధికారులకు వినతిపత్రం అందజేత.. సమస్యకు శాశ్వత పరిష్కారం చూపాలని జూబ్లీహిల్స్ నియోజకవర్గ నేతల డిమాండ్!
మేజర్ న్యూస్, జూబ్లీహిల్స్ (హైదరాబాద్): నగరంలో రోజురోజుకూ తీవ్రమవుతున్న తాగునీటి ఎద్దడి, అస్తవ్యస్తంగా మారిన సరఫరా సమస్యలకు వెంటనే శాశ్వత పరిష్కారం చూపాలని డిమాండ్ చేస్తూ హైదరాబాద్ బీజేపీ సెంట్రల్ జిల్లా ఆధ్వర్యంలో జలమండలి అధికారులకు వినతిపత్రం సమర్పించారు. ప్రజలు నిత్యం తీవ్రమైన నీటి సమస్యలతో ఇబ్బందులు పడుతున్నారని, అధికారులు తక్షణమే స్పందించి తాగునీటి సరఫరాను మెరుగుపరచాలని బీజేపీ నేతలు కోరారు.
ఈ కార్యక్రమంలో జూబ్లీహిల్స్ నియోజకవర్గానికి చెందిన వివిధ డివిజన్ల బీజేపీ అధ్యక్షులు, ముఖ్య నాయకులు పెద్ద సంఖ్యలో పాల్గొన్నారు. హాజరైన వారిలో గారపాటి అనంత లక్ష్మి, కొత్త వెంకటేష్, కాట్రాజు రాజశేఖర్, నవీన్, విజయ్, సత్యనారాయణ, శ్రీజిత్ రాజ్, శంకర్ తదితరులు ఉన్నారు. క్షేత్రస్థాయిలో ప్రజలు పడుతున్న నీటి కష్టాలను అధికారుల దృష్టికి తీసుకెళ్లిన నేతలు, నిర్లక్ష్యం వీడి సమస్యలను త్వరితగతిన పరిష్కరించకపోతే బీజేపీ ఆధ్వర్యంలో ఆందోళనలను మరింత తీవ్రతరం చేస్తామని హెచ్చరించారు.
